«سامۇرىق-قازىنا» قورىنىڭ قۇرامىنا كىرەتىن «قازپوشتا» اق 2025 جىلدىڭ ءبىرىنشى جارتىجىلدىعىندا 2,9 ميلليارد تەڭگە شىعىنعا ۇشىرادى، دەپ حابارلايدى "ادىرنا" ۇلتتىق پورتالى.
كومپانيا 2024 جىلدىڭ العاشقى جارتىسىندا اكتسيونەرلەرىنە 731,1 ميلليون تەڭگە پايدا اكەلگەن ەدى. ياعني ءبىر جىل ىشىندە كورسەتكىش 3,6 ميلليارد تەڭگەدەن استامعا تومەندەگەن.
شىعىنعا نەگىزىنەن قارجىلىق شىعىنداردىڭ ءوسۋى سەبەپ بولعان. ولار ءتورت ەسەگە جۋىق ارتىپ، 26 ميلليارد تەڭگەگە جەتكەن. دەگەنمەن، قارجىلىق تابىس (9,9 ملرد تەڭگە) پەن كىرىستەردىڭ (6,4 ملرد تەڭگە) ءوسۋى بۇل ءوسىمدى تولىقتاي جابا العان جوق.
2025 جىلدىڭ العاشقى التى ايىندا «قازپوشتانىڭ» اكتيۆتەرى 41,5%-عا ارتىپ، 570,2 ميلليارد تەڭگەنى قۇرادى. ال مىندەتتەمەلەرى 46,8%-عا ءوسىپ، 533,8 ميلليارد تەڭگەگە جەتكەن.
بۇعان دەيىن، 2025 جىلدىڭ مامىر ايىندا اكتسيونەرلەردىڭ جالپى جينالىسىندا كومپانيا 2024 جىلعى قارجىلىق ناتيجەلەر بويىنشا ديۆيدەند تولەمەۋ تۋرالى شەشىم قابىلداعان بولاتىن. سول كەزەڭدەگى 2,2 ميلليارد تەڭگە كولەمىندەگى تازا پايدا كاسىپورىننىڭ وزىندە قالدىرىلدى.
