قازاقستان رەسەي مەن اقش پرەزيدەنتتەرىنىڭ انكوريدجدەگى كەزدەسۋىن ۋكراينا بويىنشا ەڭ جوعارى دەڭگەيدەگى كەلىسسوزدەر ۇدەرىسىنىڭ باستاماسى رەتىندە قۇپتايدى. بۇل تۋرالى بۇگىن، 16 تامىزدا پرەزيدەنتتىڭ كەڭەسشىسى ءارى ءباسپاسوز حاتشىسى رۋسلان جەلدىباي ايتتى، دەپ حابارلايدى «ادىرنا» ءتىلشىسى.
«مەملەكەت باسشىسى قاسىم-جومارت توقاەۆ بۇل تاريحي سامميت ەكى ەل باسشىلارىنىڭ ساياسي ەرىك-جىگەرىنىڭ ارقاسىندا مۇمكىن بولدى دەپ سانايدى. ولار قازىرگى زاماننىڭ ەڭ باستى پروبلەمالارىنا، سونىڭ ىشىندە ۋكرايناداعى اسكەري ءىس-قيمىلداردى توقتاتۋعا قاتىستى ورتاق شەشىم تابۋعا شىنايى نيەتتى ەكەنىن كورسەتتى»،—دەدى ول.
ەسكە سالايىق، 15 تامىزدا اقش پەن رەسەي ۋكرايناداعى سوعىستى توقتاتۋ ماسەلەسىن تالقىلاۋ ءۇشىن الياسكادا كەزدەسكەن ەدى.
ۇقساس جاڭالىقتار
