مەملەكەت باسشىسى قاسىم-جومارت توقاەۆ ۇلتتىق قوردى باسقارۋ جونىندەگى كەڭەسكە توراعالىق ەتەتىن بولدى، دەپ حابارلايدى «ادىرنا» ءتىلشىسى.
4 شىلدەدە پرەزديدەنت ۇلتتىق قوردى باسقارۋ جونىندەگى كەڭەس قۇرۋ تۋرالى جارلىققا قول قويعان بولاتىن. قاسىم-جومارت توقاەۆتىڭ ءتيىستى جارلىعى قازاقستان نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسى سايتىندا جاريالاندى.
«كەڭەستىڭ نەگىزگى مىندەتتەرى – ۇلتتىق قوردىڭ قاراجاتىن پايدالانۋ جانە بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرىن باسقارۋ ماسەلەلەرى بويىنشا پرەزيدەنتكە كومەك كورسەتۋ جانە ۇسىنىمدار ازىرلەۋ. كەڭەس بيۋدجەت كودەكستىڭ 63-بابىنا سايكەس قور قاراجاتىن پايدالانۋ ماسەلەلەرىن قارايدى»،— دەلىنگەن قۇجاتتا.
كەڭەستىڭ جۇمىس ورگانى رەتىندە پرەزيدەنت اكىمشىلىگى بەلگىلەندى.
ايتا كەتەيىك، مەملەكەت باسشىسى ۇلتتىق قوردىڭ اشىقتىعى مەن ۇتىمدى جۇمسالۋىنا ەرەكشە ءمان بەرىپ، بۇل باعىتتاعى باقىلاۋ مەن باسقارۋ جۇيەسىن جەتىلدىرۋدى كوزدەپ وتىر.
