قازاقستانداعى ادام قۇقىقتارى جونىندەگى ۋاكىل ارتۋر لاستاەۆتىڭ مالىمدەۋىنشە، تالدىقورعاندىق انا ءوز ۇلىنا قاتىگەزدىك كورسەتكەنى ءۇشىن ونى اتا-انالىق قۇقىعىنان ايىرۋى مۇمكىن، دەپ حابارلايدى “ادىرنا” ۇلتتىق پورتالى.
«كوميسسيا مۇشەلەرى لەبەدەۆتەر جانۇياسى تۇراتىن ۇيگە بارىپ، تۇرمىس جاعدايىن زەرتتەدى. اناسى مەن ەكى بالاسى انتيسانيتارلىق جاعدايدا ءومىر سۇرگەن، ال ايەل الكوگولدىك ىشىمدىكتەردى پايدالانعانىن جانە بالالاردى قورلاعانىن جوققا شىعارمادى. ءسويتىپ، سۆەتلانا لەبەدەۆا 9 جاسار ۇلى ارتەمدى ايازدا سارايعا قاماپ تاستاعان»، – دەيدى ارتۋر لاستاەۆ.
قامقورشىلىق ورگاندارى جەتىسۋ وبلىسى بويىنشا وكىلدىگىمەن بىرگە ايەلدى اتا-انا قۇقىعىنان ايىرۋ تۋرالى تالاپ ارىزدى سوتقا جولدادى. قازىر بۇل ءىس قارالىپ، ۇلكەن بالاسى تالدىقورعان قالاسىنداعى كامەلەتكە تولماعانداردى بەيىمدەۋ ورتالىعىنا ۋاقىتشا ورنالاستىرىلدى. سونداي-اق بالانىڭ اناسى تاراپىنان بىرنەشە رەت فيزيكالىق زورلىق-زومبىلىق كورگەنى كورسەتىلگەن.
“ادىرنا” ۇلتتىق پورتالى
