ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك ءال-فارابي اتىنداعى قازۇۋ-داعى ستۋدەنتتىڭ ولىمىنە قاتىستى جاۋاپ بەردى، دەپ حابارلايدى "ادىرنا".
ءمينيستردىڭ سوزىنشە، تەرگەۋ ورگاندارى ءالى دە ءوز جۇمىستارىن جۇرگىزىپ جاتىر جانە ستۋدەنتتىڭ ولىمىنە وتباسىلىق ماسەلە تۇرتكى بولعان.
«سوت شەشىمدەرى نەمەسە قورىتىندى شىعارىلعانعا دەيىن مەن قازىر ايتا الاتىن جالعىز نارسە — ول وتباسىلىق ماسەلەدەن تۋعان جاعداي. قازىر مەنىڭ اقپاراتىم بويىنشا، ءوزىن-ءوزى ولتىرۋگە دەيىن جەتكىزۋ بابى بويىنشا ءىس قوزعالادى»، – دەدى ساياسات نۇربەك.
مينيستر ۋنيۆەرسيتەتكە دە، وقۋ پروتسەسىنە دە بايلانىستى ءىس قوزعالمايتىنىن مالىمدەدى.
ەسكە سالا كەتەيىك، 30 شىلدە كۇنى ءال-فارابي اتىنداعى قازاق ۇلتتىق ۋنيۆەرسيتەتىنىڭ ءبىرىنشى كۋرس ستۋدەنتى رەكتورات عيماراتىنىڭ 14-قاباتىنان سەكىرىپ، كوز جۇمعان بولاتىن.
