قازاق ەلىندە ايەلدەر مەملەكەتتىك باسقارۋ ءىسىن شىرق ءيىرىپ، ازاماتتارىمىزبەن تەڭ دارەجەدە قىزمەت اتقارادى. بۇل جايلى بۇگىن ۇكىمەت وتىرىسىندا پرەمەر-مينيستر ءاليحان سمايىلوۆ ايتتى، دەپ حابارلايدى "ادىرنا" ۇلتتىق پورتالى.
قازاق ەلىندە كاسىبىن دوڭگەلەتىپ، ەلدىڭ دامۋىنا دا ءوز ۇلەسىن قوسىپ وتىرعان جانى كوركەم جاندارىمىز كوپ.
- ماسەلەن، ەكونوميكالىق ىنتىماقتاستىق جانە دامۋ ۇيىمىنىڭ دەرەكتەرىنە سايكەس، قازاقستاندا بيزنەستەگى ايەلدەردىڭ ۇلەسى 45 پايىز. بۇل –اقش پەن تۇركيا سياقتى ەلدەرگە قاراعاندا جوعارى كورسەتكىش. قازاقستاندىق ايەلدەر «دامۋ» قورى قولداعان جوبالاردىڭ جارتىسىنا جۋىعىن جۇزەگە اسىردى. بۇل رەتتە جوبالاردىڭ ۇشتەن ءبىرىن اۋىلدىق جەرلەردەن كەلگەن كاسىپكەر ايەلدەر الدى. ءبىز ءتۇرلى سالالارداعى ايەلدەردىڭ بەلسەندىلىگىن ارتتىرۋعا مۇددەلى ەكەندىگىمىزدى اتاپ وتكىم كەلەدى، - دەدى ول.
پرەمەر مەملەكەت ايەلدەردى الەۋمەتتىك قولداۋ ماسەلەلەرىنە ەرەكشە نازار اۋدارىپ وتىرعانىن ايتتى.
- انا مەن بالانى قورعاۋ، كاسىپكەر ايەلدەردى قولداۋ، كوپبالالى انالارعا، بالا اسىراپ العان وتباسىلارعا كومەك كورسەتۋ، ايەلدەردى جۇمىسپەن قامتۋعا جاردەمدەسۋ، قاريالارعا قامقورلىق جاساۋ مەملەكەتتىك ساياساتتىڭ ماڭىزدى باعىتتارى بولىپ قالا بەرەدى، - دەدى سمايىلوۆ.
"ادىرنا" ۇلتتىق پورتالى
