اقش پرەزيدەنتى دونالد ترامپ جاھاندىق دەڭگەيدە 10% قوسىمشا باج سالىعىن ەنگىزەتىنىن مالىمدەدى، دەپ حابارلايدى "ادىرنا" ۇلتتىق پورتالى Reuters-كە سىلتەپ.
بۇل تۋرالى ول ارنايى شاقىرىلعان ءباسپاسوز كونفەرەنتسياسىندا ايتتى.
ترامپ بۇل شەشىمىن اقش جوعارى سوتىنىڭ تاريفتەرگە قاتىستى شەشىمىنە جاۋاپ رەتىندە قابىلداپ وتىرعانىن جەتكىزدى. ول سوت شەشىمىن «وتە كوڭىل كونشىتپەيتىن» دەپ باعالادى.
Reuters اگەنتتىگىنىڭ مالىمەتىنشە، جاڭا باج سالىعى قولدانىستاعى تاريفتەرگە قوسىمشا رەتىندە ەنگىزىلىپ، 150 كۇن بويى كۇشىندە بولادى.
بۇعان دەيىن اقش جوعارعى سوتى ترامپتىڭ بىرقاتار ەلدەرگە قاتىستى بىرجاقتى ەنگىزگەن باج سالىعىن زاڭسىز دەپ تانىعان. سۋديالار تاريفتەردى ەنگىزۋ قۇقىعى تەك كونگرەسكە تيەسىلى ەكەنىن اتاپ وتكەن.
ال گەرمانيا ۇكىمەتى اتالعان شەشىمدى نازارعا العانىن حابارلاپ، اقش اكىمشىلىگىمەن بايلانىس ورناتىپ، الداعى قادامدارعا قاتىستى ناقتى تۇسىنىك الۋعا تىرىسىپ جاتقانىن مالىمدەدى.
