مادەنيەت جانە اقپارات ءمينيسترى ايدا بالاەۆا فرانتسيادا تۇراتىن ەتنيكالىق قازاق، كاسىپكەر نۇرجان تولەگەنمەن كەزدەستى، دەپ حابارلايدى «ادىرنا» ءتىلشىسى.
قىتايدىڭ ىلە وڭىرىندە دۇنيەگە كەلگەن نۇرجان بۇگىندە پاريجدە تۇرادى. قازاقتىڭ رۋحاني مۇراسىنا ەرەكشە ىقىلاسى بار ازامات جاقىندا ءوز برەندىن «Tolegen Paris» اتاۋىمەن تانىستىرىپ، «Kiz Jibek» اتتى ليۋكس ساناتتاعى پارفيۋمەريالىق ءونىمدى جارىققا شىعارعان.
«نۇرجان تولەگەن بۇل ءاتىر 17 عاسىرداعى قازاق دالاسىنىڭ «قىز جىبەك» ليريكالىق جىرىن قايتا جاڭعىرتانىن ەرەكشە اتاپ ءوتتى. ونىڭ وسىدان بىرنەشە جىل بۇرىن قازاقستانعا جاساعان ساپارى ءومىرىن تۇبەگەيلى وزگەرتكەن ەكەن. سونىڭ اسەرىنەن پايدا بولعان بۇل برەند – شىعىس پەن باتىستى بايلانىستىراتىن جاڭا كوپىر ىسپەتتى. وسىنداي كرەاتيۆتى، باستاماشىل ءارى وتانشىل جاستاردى قولداۋعا شاقىرامىن. بۇل – ءبارىمىزدىڭ ورتاق مىندەتىمىز.سوندىقتان تولەگەننىڭ جۇمىسىنا ساتتىلىك پەن تولايىم تابىس تىلەيمىن!»—دەدى مينيستر.
