اقش پرەزيدەنتى دونالد ترامپتىڭ ارنايى وكىلى ستيۆ ۋيتكوففتىڭ ماسكەۋگە ساپارىنان كەيىن ۋكراينا مەن رەسەي اراسىنداعى جاعدايعا قاتىستى جاڭا مالىمدەمەلەر ايتىلدى، دەپ حابارلايدى "ادىرنا" ۇلتتىق پورتالى.
ۋكراينا پرەزيدەنتى ۆلاديمير زەلەنسكي ءوزىنىڭ ۆيدەوۇندەۋىندە رەسەي تاراپى سوعىستى توقتاتۋعا مۇددەلى ەكەنىن ايتتى.
ء"بىزدىڭ ارىپتەستەرىمىزبەن بىرگە ۇستانعان ۇستانىمىز ايقىن. ول – سوعىستى توقتاتۋ. سوعىس ادىلدىك شەڭبەرىندە توقتاۋى ءتيىس. تىلدەسۋگە ەۋروپا كوشباسشىلارى دا قاتىستى. قولداۋ بىلدىرگەندەرى ءۇشىن العىس ايتامىن. ءبىز ماسكەۋدە ايتىلعان ماسەلەلەردى تالقىلادىق", — دەدى ول.
زەلەنسكيدىڭ ايتۋىنشا، ماسكەۋدەگى كەزدەسۋدە ايتىلعان مالىمدەمەلەر رەسەيدىڭ اتىستى توقتاتۋعا نيەتتى ەكەنىن كورسەتەدى. الايدا ول ساق بولۋ قاجەتتىگىن ەسكەرتتى.
"ولارعا جاسالعان قىسىم اسەر ەتىپ جاتىر. ەڭ باستىسى — ولار ءبىزدى الداپ سوقپاسا بولدى. ءبىزدى دە، اقش-تى دا", — دەدى ۋكراينا باسشىسى.
بۇعان دەيىن ستيۆ ۋيتكوففتىڭ ماسكەۋگە ساپارى حالىقارالىق قاۋىمداستىقتىڭ نازارىن اۋدارتقان ەدى. ساراپشىلار بۇل ساپاردى بەيبىت كەلىسسوزدەردىڭ ىقتيمال باستاماسى دەپ باعالاپ وتىر.
