AQŞ prezidentı Donald Tramptyŋ arnaiy ökılı Stiv Uitkofftyŋ Mäskeuge saparynan keiın Ukraina men Resei arasyndaǧy jaǧdaiǧa qatysty jaŋa mälımdemeler aityldy, dep habarlaidy "Adyrna" ūlttyq portaly.
Ukraina prezidentı Vladimir Zelenskii özınıŋ videoündeuınde Resei tarapy soǧysty toqtatuǧa müddelı ekenın aitty.
"Bızdıŋ ärıptesterımızben bırge ūstanǧan ūstanymyz aiqyn. Ol – soǧysty toqtatu. Soǧys ädıldık şeŋberınde toqtauy tiıs. Tıldesuge Europa köşbasşylary da qatysty. Qoldau bıldırgenderı üşın alǧys aitamyn. Bız Mäskeude aitylǧan mäselelerdı talqyladyq", — dedı ol.
Zelenskiidıŋ aituynşa, Mäskeudegı kezdesude aitylǧan mälımdemeler Reseidıŋ atysty toqtatuǧa niettı ekenın körsetedı. Alaida ol saq bolu qajettıgın eskerttı.
"Olarǧa jasalǧan qysym äser etıp jatyr. Eŋ bastysy — olar bızdı aldap soqpasa boldy. Bızdı de, AQŞ-ty da", — dedı Ukraina basşysy.
Būǧan deiın Stiv Uitkofftyŋ Mäskeuge sapary halyqaralyq qauymdastyqtyŋ nazaryn audartqan edı. Sarapşylar būl sapardy beibıt kelıssözderdıŋ yqtimal bastamasy dep baǧalap otyr.
