6 تامىز كۇنى گانانىڭ قورعانىس ءمينيسترى ەدۆارد ومانە بواما مەن قورشاعان ورتا، عىلىم جانە تەحنولوگيا ءمينيسترى يبراگيم مۋرتالا مۇحاممەد تىكۇشاق اپاتىنان قايتىس بولدى، دەپ حابارلايدى "ادىرنا" ۇلتتىق پورتالى.
بۇل تۋرالى ەلدىڭ قارۋلى كۇشتەرى باس شتابىنىڭ باسشىسى دجۋليۋس دەبراحقا مالىمدەگەن.
تىكۇشاق ەلدىڭ وڭتۇستىگىندە، اكروفۋون قالاسىنىڭ ماڭىندا اپاتقا ۇشىراپ، جەرگە قۇلاعاننان كەيىن وتقا ورانعان.
اپات سالدارىنان ءتورت ادام، ونىڭ ىشىندە ەكى مينيستر قازا تاپتى.
مينيسترلەر جەدەل الىنعان اقپارات بويىنشا تابيعي رەسۋرستاردىڭ زاڭسىز ءوندىرىسى ءجۇرىپ جاتقان ايماققا بارا جاتقان. قازىرگى ۋاقىتتا وقيعاعا بايلانىستى تەرگەۋ جۇمىستارى باستالعانى ايتىلدى.
ۇقساس جاڭالىقتار
