استانادا وتكەن دجەننيفەر لوپەستىڭ كونتسەرتىندە توبەلەس شىعارعان ايەل پوليتسيا قىزمەتكەرىنىڭ جۇبايى بولىپ شىقتى. بۇل تۋرالى قالالىق پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
قۇزىرلى ورگان وقيعاعا قاتىستى قىلمىستىق ءىس قوزعالعانىن مالىمدەدى. تەرگەۋ بارىسى دەپارتامەنت باسشىلىعىنىڭ باقىلاۋىندا ەكەنى اتاپ ءوتىلدى.
«ازاماتشا پوليتسيا قىزمەتكەرلەرىنىڭ بىرىمەن نەكەلەسكەن. الايدا بۇل فاكت ونىڭ ارەكەتىنە قۇقىقتىق باعا بەرۋگە اسەر ەتپەيدى. بۇل قوعامداعى مىنەز-قۇلىق ءۇشىن ادام جوعارى دارەجەدە جەكە جاۋاپكەرشىلىك ارقالايتىنىن بىلدىرەدى»، – دەدى پد ءباسپاسوز قىزمەتى.
پوليتسيا وكىلدەرى بارلىق ازاماتتىڭ زاڭ الدىندا تەڭ ەكەنىن باسا ايتتى.
«جازاعا تارتۋ – زاڭنىڭ نەگىزگى قاعيدالارىنىڭ ءبىرى»، – دەپ قوستى ولار.
ەسكە سالايىق، بۇعان دەيىن الەۋمەتتىك جەلىدە كونتسەرت كەزىندە كۇزەتشىلەردىڭ توبەلەس شىعارعان ايەلدى كوتەرىپ، الاڭنان الىپ كەتىپ بارا جاتقان ۆيدەوسى تاراعان ەدى.
