بەلگىلى قازاقستاندىق بوكسشى بەيبىت شۇمەنوۆ ەلورداداعى ساۋدا ورتالىعىندا بولعان جاعداي تۋرالى تۇسىنىكتەمە بەردى، دەپ حابارلايدى «ادىرنا» ءتىلشىسى.
توبەلەس ۆيدەوسى جاريالانعان Egovpress تەلەگرام ارناسىنىڭ مالىمەتىنشە شۇمەنوۆتىڭ قولىندا بالاسى بار ادامدى ۇرعان وقيعاسى 18 ماۋسىمدا بولعان. الايدا بۇل وقيعا تۋرالى باق ەندى عانا مالىمەت تاراتىپ، جەلىدە دە ادامداردىڭ ءوزارا ايتىسىپ، رەاكتسيا تۋدىرۋىنا سەبەپ بولعان.
«مەنىڭ 8 جاستاعى ۇلىم ويىن الاڭىندا ويناپ جۇرگەن بولاتىن. سول كەزدە باسقا بالا سەبەپسىز ونىڭ ارقاسىنان ۇرا باستادى. بالام بۇل بالانىڭ ءىس-ارەكەتىن تۇسىنبەي، ودان الىستاپ، ءارى قاراي ويىنىن جالعاستىرادى. بىرنەشە مينۋتتان كەيىن الگى بالا قايتىپ كەلىپ، مەنىڭ ۇلىما تاعى دا شابۋىل جاساماق بولادى. سودان سوڭ ەر ادام بالاسىن الىپ كەتتى. مەنىڭ ۇلىم مۇنداي قارىم-قاتىناسقا ۇيرەنبەگەن. بۇل وعان ۇلكەن سترەسس بولدى. بالام ماعان كەلىپ، بەيتانىس بالانىڭ ۇرعان جەرلەرىن كورسەتە باستادى. ارقاسى جىرىلعان، قىزارىپ كەتىپتى. سودان سوڭ مەن بالانىڭ اكەسىنە بارىپ «مەنىڭ ۇلىمدى ۇرعان سەنىڭ بالاڭ با؟»- دەپ سۇرادىم. ول ساۋالىما «ءيا. نە ىستەي الاسىڭ؟»- دەپ اگرەسسيامەن جاۋاپ بەردى. ونىڭ جاۋابىنا تاڭعالدىم. موينىنان ۇستاپ «قالاي-قالاي سويلەپ تۇرسىڭ؟»-دەپ سۇرادىم. ول سول قولىمەن ستولداعى زاتتاردى الىپ، شابۋىلداي باستادى. كەيىن قولىنداعى زاتتىڭ پىشاق ەمەستىگىن بىلگەن سوڭ، بالاسىن تاستاپ، وڭ قولىمەن پىشاقتى الىپ، ماعان جۇمساپ ۇلگەردى»،—دەدى سپورتشى.
بەيبىت شۇمەنوۆ ەر ادامنىڭ ءوز بالاسىن قالقان رەتىندە پايدالانعانىن اتاپ ءوتتى.
«سىزدەر بالامەن تۇرعان ەركەكتى اياپ جاتىرسىزدار. ال ونىڭ بالاسىن قالقان رەتىندە قولدانىپ تۇرعانىن ويلامادىڭىزدار ما؟ مەن كاسىبي بوكسشىمىن، سوققىلارىمدى قايدا جۇمساۋ كەرەكتىگىن بىلەمىن. بالانى ۇرعان جوقپىن. سودان سوڭ ءبىز ەسىل اۋداندىق پوليتسيا بولىمشەسىنە كەلدىك. بالالاردىڭ اناسى مەنەن دە، جۇبايىمنان دا كەشىرىم سۇرادى. اناسى ۇلى اۋتيزممەن اۋىرعاندىقتان باسقالاردى سەبەپسىز ۇرىپ-تەبۋى مۇمكىن ەكەن ەكەنىن ايتتى. ۇلدىڭ اناسى وسىلاي ايتقاندا مەن ولاردى قاتتى ايادىم. بالالاردى قاتتى جاقسى كورەمىن، سوندىقتان سابىر تىلەپ، ۇلىنىڭ ايىعىپ كەتۋىنە تىلەكتەستىك ءبىلدىردىم. ءبارىمىز جىلى قوشتاستىق»،—دەدى ول.
ايتۋىنشا، ەر ادام اسا زارداپ شەككەن جوق.
«سوت ساراپتاماسى ونىڭ دەنە جاراقاتتارىنىڭ سالدارىنان دەنساۋلىعىنا جەڭىل دە، ورتاشا دا زيان تيمەگەنىن انىقتادى. ەر ادامنىڭ قولىندا بولعان بالادان كەشىرىم سۇراعىم كەلەدى جانە بالا وسى جاعىمسىز كورىنىستىڭ كۋاسى بولعانىنا وكىنەمىن. قازىرگى ۋاقىتتا جانجال تولىعىمەن اياقتالدى. مەن پيارعا قىزىقپايمىن جانە لاس ينتريگالارعا قاتىسقىم كەلمەيدى»،– دەدى بوكسشى.
