گرۋزيادا جۇمباق جاعدايدا قايتىس بولعان قازاقستان ازاماتى اسەل ايتباەۆانىڭ ءىسى بويىنشا ايىپتالۋشى مۇرات مەيىربەكوۆكە قاتىستى سوت ۇكىمى شىقتى، دەپ جازادى "ادىرنا" ۇلتتىق پورتالى.
"نۇر-سۇلتان قالالىق سوتى مەيىربەكوۆتى كىنالى دەپ تانىپ، 15 جىلعا باس بوستاندىعىنان ايىرۋ تۋرالى ۇكىم شىعاردى", - دەدى سۋديا.
مۇرات مەيىربەكوۆ جازا مەرزىمىن "قاۋىپتىلىگى جوعارى" كولونيادا وتەيدى، سونداي-اق جابىرلەنۋشى تاراپقا مورالدىق شىعىن رەتىندە 10 ملن تەڭگە تولەۋگە مىندەتتەلدى.
ەستەرىڭىزگە سالا كەتەيىك، بىلتىر 5 مامىردا تبيليسيدە كوپقاباتتى ۇيلەردىڭ اۋلاسىنان قازاقستاندىق اسەل ايتباەۆانىڭ ءمايىتى تابىلعان بولاتىن.
"ادىرنا" ۇلتتىق پورتالى
