اقتاۋ قالاسىندا 39 جاستاعى ەرلان شونتاباەۆ سۋعا باتىپ بارا جاتقان جاستاردى قۇتقارماق بولىپ، ءوزى اجال قۇشتى، دەپ حابارلايدى "ادىرنا" ۇلتتىق پورتالى.
بۇل وقيعا تەڭىز جاعالاۋىندا 2025 جىلدىڭ شىلدە ايىنىڭ سوڭىندا بولعان.
كۋاگەرلەردىڭ ايتۋىنشا، ەرلان دوستارىمەن بىرگە تەڭىز جاعاسىندا دەمالىپ جاتقان. سول ماڭدا ەكى قىز بەن ەكى جاس جىگىت سۋعا ءتۇسىپ جۇرگەن كەزدە قاتتى اعىسقا ءتۇسىپ كەتكەن. ۇشەۋى سۋ بەتىندە قالقىپ، كومەك سۇراپ ايقايلاي باستاعاندا، ەرلان ەش ويلانباستان سۋعا سەكىرىپ، ەكى قىزدى جاعاعا امان الىپ شىققان.
الايدا ءۇشىنشى جاس جىگىتتى قۇتقارۋعا تىرىسقان كەزدە، ول ۇرەيگە بوي الدىرعان كۇيى ەرلاننىڭ اياعىنان ۇستاپ قالىپ، ناتيجەسىندە ەكەۋىن دە تولقىن جۇتىپ كەتكەن. قۇتقارۋشىلار كوپ ۇزاماي ولاردىڭ دەنەسىن تاۋىپ شىعارعان.
ەرلىكپەن قازا تاپقان ەرلان شونتاباەۆتىڭ ارتىندا جارى مەن بەس بالاسى قالدى. بەسىنشى بالاسى - ءۇش ايلىق نارەستە. باتىر ازامات قۇرىق اۋىلىندا اقتىق ساپارعا شىعارىپ سالىندى. جەرگىلىكتى توتەنشە جاعدايلار دەپارتامەنتى باسشىلىعى ونىڭ جانقيار ارەكەتىن اتاپ ءوتىپ، وتباسىنا العىس حات تابىس ەتتى.
