Aqtau qalasynda 39 jastaǧy Erlan Şontabaev suǧa batyp bara jatqan jastardy qūtqarmaq bolyp, özı ajal qūşty, dep habarlaidy "Adyrna" ūlttyq portaly.
Būl oqiǧa teŋız jaǧalauynda 2025 jyldyŋ şılde aiynyŋ soŋynda bolǧan.
Kuägerlerdıŋ aituynşa, Erlan dostarymen bırge teŋız jaǧasynda demalyp jatqan. Sol maŋda ekı qyz ben ekı jas jıgıt suǧa tüsıp jürgen kezde qatty aǧysqa tüsıp ketken. Üşeuı su betınde qalqyp, kömek sūrap aiqailai bastaǧanda, Erlan eş oilanbastan suǧa sekırıp, ekı qyzdy jaǧaǧa aman alyp şyqqan.
Alaida üşınşı jas jıgıttı qūtqaruǧa tyrysqan kezde, ol üreige boi aldyrǧan küiı Erlannyŋ aiaǧynan ūstap qalyp, nätijesınde ekeuın de tolqyn jūtyp ketken. Qūtqaruşylar köp ūzamai olardyŋ denesın tauyp şyǧarǧan.
Erlıkpen qaza tapqan Erlan Şontabaevtyŋ artynda jary men bes balasy qaldy. Besınşı balasy - üş ailyq näreste. Batyr azamat Qūryq auylynda aqtyq saparǧa şyǧaryp salyndy. Jergılıktı tötenşe jaǧdailar departamentı basşylyǧy onyŋ janqiiar äreketın atap ötıp, otbasyna alǧys hat tabys ettı.
