بۇرىن قازاقتى جاۋ سوعىسپەن، اشتىقپەن قىرسا، قازىر فەمينيزم سانانى ۋلاپ، ىشتەن قۇرتىپ جاتىر. ايەلدى وتباسىنان، ۇرپاقتان الىستاتىپ، جالعىزدىقتى “ەركىندىك” دەپ ۇسىنۋدا. بۇل ءۇنسىز جويۋدىڭ زاماناۋي ءتۇرى.
ۇرپاقسىز ۇلتتىڭ ەرتەڭى جوق.— دەگەن ءبىر مىقتى پىكىر كوردىم. قازىر شىنى كەرەك، تيك توكقا كىرسەڭ دە ينستاگرامعا كىرسەڭدە جالعىز باستى، وزىنشە جەتىستىككە جەتتىم دەپ ويلايتىن ايەلدەردىڭ، اجىراسىپ كەتىڭدەر، وزدەرىڭ ءۇشىن ءومىر سۇرىڭدەر دەگەن ۆيدەولارى كوپتەپ تارالىپ جاتىر.
جالپى اجىراسۋ دەگەن ۇلكەن سالدارعا اكەپ سوعادى. اجىراسىپ، شەشەنىڭ، اكەنىڭ قولىندا كەتكەن بالدار بولاشاقتا قاتتى قينالاتىن، ونىمەن قويماي اينالاسىندا قينايتىن بولادى. سونىڭ ءبىرى، ءوز باسىمنان وتكەن جاعداي، مەن جالعىز باستى ايەلدەردىڭ قولىندا ءوستىم. كىشكەنتايىمنان اپامنىڭ، شەشەمنىڭ قينالعانىن، جۇمىس ىستەپ مەنى اسىراعانىن، وزدەرى وت جاققانىن، كومىر تاسىپ، قار كۇرەگەنىن ءبارىن ءبارىن كورىپ ءوسىپ، ايەل ادامنىڭ قينالۋى، مىنا ومىرمەن ءوزى جالعىز كۇرەسۋىن نورما رەتىندە قابىلدايتىن بولىپ قالىپتاستىم. ونىڭ ۇستىنە شەشەنىڭ تاياقپەن سوققان سوققىسى، اكەنىڭ قاباعىن ءتۇيىپ، ءبىر شاپالاق بەرگەنىنە جەتپەيدى. ولدا وتە ماڭىزدى. جانە، كىشكەنتايىمنان ايەل ادامداردىڭ تاربيەسىن كورگەسىن ءتۇپسانامدا، نە بولسادا ايەلدەردىڭ كوڭىلىنەن شىعۋ كەرەك دەگەن ءبىرتۇرلى ۇستانىم قالىپ قالعان. دەگەنمەن، 19 جاسىمدا شەشەلەرىمدى جەرگە تاپسىرعاسىن، ءوز تىزگىنىم وزىمە ءتيىپ، ارى قاراي ەركەكتىك مىنەزىمدى ءوز قولىممەن جاساپ الدىم دەسەم دە بولادى.
ەكىنشى ماسەلە، جالعىز باستى ايەلدىڭ قولىندا وسكەن قىزدا، وزىندىك پرينتسىپتەرىن قالىپتاستىرىپ وسەدى. ياعني ەركەكتەردىڭ ءبارى جامان، شەشەمدە جالعىز ءومىر ءسۇردى، مەندە ءومىر سۇرە الام دەگەن تۇسىنىكتەر بولادى وندا. ولدا بولاشاق ۇرپاق ماسەلەسىندە ۇلكەن سالدارعا اكەلىپ سوعادى. ال جالعىز باستى ايەلدىڭ قولىندا وسكەن ەركەكپەن ءدال سونداي قىز ۇيلەنسە، ەكەۋىنىڭ وتباسىلىق جاعدايى، اسى ءبىر شالت جاعدايدا بولادى. ونداي ۇلگىلەر ءوز تانىستارىمنىڭ اراسىندادا بار.
جالپى، ايتقىم كەلگەنى، اجىراسۋ ماسەلەسىن رەتتەۋ كەرەك. قان ماسەلەسى، اۋلەتتىڭ قادىرى، وتباسىنىڭ ابىرويى، بالا شاعانىڭ تەگى دەگەن سەكىلدى تۇسىنىكتەر كۇننەن كۇنگە كومەسكىلەنىپ بارادى. ولارعا باستى سەبەپ، الەۋمەتتىك جەلىدە باقىلاۋ جوق، جازا جوق، ادامدار لايك ءۇشىن حايپ ءۇشىن، كۋرس ساتىپ تاپقان جەڭىل اقشا ءۇشىن بارىن سالىپ جاتىر. بۇل باسسىزدىقتىڭ جەمىسىن شامامەن 5 جىلدان كەيىن كوزبەن كورەمىز دەپ ويلايمىن.
كەلىسەسىز بە؟
