سپورت جۋرناليستيكاسىنىڭ مايتالمانى، تاجىريبەلى جۋرناليست قالىمبەك مۇحامەدجانوۆ 71 جاسقا قاراعان شاعىندا قايتىس بولدى. قارالى حاباردى اسىلبەك باياجۇما جەتكىزدى، دەپ حابارلايدى «ادىرنا» ءتىلشىسى.
«قازاق جۋرناليستيكاسىنىڭ ارداگەرى، اياۋلى قالىمبەك اعامىزدا دۇنيەدەن وزىپتى. كوكشەتاۋ، ارشالى، ەگىندىكول اۋداندارىندا ىشكى ساياساتا ىستەگەن كەزىمدە "اسىل باۋىرىم، ابىرويىڭدى كوتەرۋگە كەلدىم" دەپ قاسىمدا اپتالاپ ءجۇرۋشى ەدى. قايران اعا، باقۇل بولىڭىز! اللا پاناسىنا السىن»،—دەدى ول.
قالىمبەك ءارناشۇلى 1955 جىلى 13 ساۋىردە كوكشەتاۋ وبلىسى ايىرتاۋ اۋدانىنىڭ سارىبۇلاق اۋىلىندا تۋعان. الماتى قالاسىنداعى قازمۋ-دىڭ (قازۇۋ — رەد.) جۋرناليستيكا فاكۋلتەتىن بىتىرگەن. 40 جىلعا جۋىق گازەت، راديو سالاسىندا قىزمەت ەتكەن. «قازاقستان» رترك» اقمولا وبلىستىق فيليالىنىڭ رەداكتورى بولعان.
