الماتى وبلىسىندا ەس-145 اسكەري تىكۇشاعى راداردان جوعالىپ كەتتى. تىكۇشاقتى ىزدەۋگە 100-دەن استام ادام جۇمىلدىرىلدى. بۇل تۋرالى تجم ءباسپاسوز قىزمەتى مالىمدەدى، دەپ حابارلايدى “ادىرنا”.
ىزدەستىرۋ-قۇتقارۋ جۇمىستارىنا تجم بولىمشەلەرى، اپاتتار مەديتسيناسى ورتالىعى، رەسپۋبليكالىق جەدەل-قۇتقارۋ جاساعى مەن تجم اۆياتسياسى تارتىلدى.
"بارلىعى 100-دەن استام ادام مەن 15-كە جۋىق بىرلىك تەحنيكا، ونىڭ ىشىندە اۆياتسيا مەن ۇشقىشسىز ۇشۋ اپپاراتتارى جۇمىلدىرىلدى", – دەپ جازىلعان حابارلامادا.
ۆەدومستۆونىڭ مالىمەتىنشە 25 شىلدەدە الماتى وبلىسىنىڭ تجد كەزەكشى بولىمىنە ءۇش ەكيپاج مۇشەسى مىنگەن قورعانىس مينيسترلىگىنىڭ تىكۇشاعى لۋگوۆوي ەلدى مەكەنىنەن ۇشىپ شىعىپ، وتار اۋماعىندا بايلانىسقا شىقپاي قالعانى تۋرالى حابار تۇسكەن.
ۇقساس جاڭالىقتار
