تالدىقورعاندا جەدەل جاردەم كولىگى Toyota اۆتوكولىگىمەن سوعىلىپ، اۋدارىلىپ قالدى. جول اپاتىنان ەكى ادام زارداپ شەكتى. بۇل تۋرالى جەلىدە ۆيدەو تارادى، دەپ حابارلايدى "ادىرنا".
بەينەكادردا سوقتىعىسقان سوڭ وقيعا ورنىنا باسقا جەدەل جاردەم بريگاداسىنىڭ كەلگەنىن كورۋگە بولادى.
جەتىسۋ وبلىسى پوليتسيا دەپارتامەنتىنىڭ مالىمەتىنشە، جول اپاتى ەسكەلدى بي مەن قابليسا جىراۋ كوشەلەرىنىڭ قيىلىسىندا بولعان.
«الدىن الا دەرەكتەر بويىنشا، جەدەل جاردەم كولىگىنىڭ جۇرگىزۋشىسى باعدارشامنىڭ تىيىم سالاتىن بەلگىسىن ەلەمەي، Toyota اۆتوكولىگىمەن سوقتىعىسقان. Cالدارىنان جەدەل جاردەم جۇرگىزۋشىسى مەن جولاۋشىسى اۋرۋحاناعا جەتكىزىلدى. قۇقىق بۇزۋشىعا قاتىستى زاڭدا قاراستىرىلعان ءىس-شارالار جۇرگىزىلىپ جاتىر»، – دەپ حابارلادى وبلىستىق پوليتسيا.
قازىرگى ۋاقىتتا، جول كولىك وقيعاسى بويىنشا اكىمشىلىك ءىس قوزعالدى.
