رەسەيدە جەتپىستەن استام دارىگەر وپپوزيتسيا وكىلى الەكساندر ناۆالنىيدىڭ مۇشكىل ءحالىن ايعاقتاپ جانە ونى قورلاۋ مەن ازاپتاۋدى دەرەۋ توقتاتۋىن تالاپ ەتىپ ۆ. پۋتينگە حات جولدادى، دەپ حابارلايدى "ادىرنا" ۇلتتىق پورتالى "meduza.io"-عا سىلتەمە كورسەتە وتىرىپ.
اشىق حاتتىڭ تولىق ءماتىنىن ماسكەۋلىك حيرۋرگ الەكساندر ۆانيۋكوۆ Facebook-تەگى ءوز پاراقشاسىندا جاريالادى.
ء"بىز الەكسەي ناۆالنىيدى قورلاۋدى جانە الەكسەيدى شيزوعا جىبەرۋدى توقتاتۋدى تالاپ ەتەمىز. وعان دارىگەرلەر تاراپىنان مەديتسينالىق كومەك ۇسىنۋدى جانە قاجەتتى ايعاقتار بولعان جاعدايدا ونى تولىق تەكسەرۋ جانە ەمدەۋ ءۇشىن ازاماتتىق اۋرۋحاناعا جاتقىزۋدى تالاپ ەتەمىز", — دەلىنگەن حاتتا.
سونىمەن قاتار، ورىس حيرۋرگى ەلدەگى ساياساتتىڭ سويقاننىڭ دارىگەرلەردى قاتتى الاڭداتىپ وتىرعانىن ايتتى. ونىڭ حابارلاۋىنشا، ا. ءناۆالنيدىڭ دەنساۋلىعىنا قاجەتتى ءدارى-دارمەك ىشۋىنە شەكتەۋ قويىلعان. قازىر بۇل ونىڭ ومىرىنە تىكەلەي قاۋىپ توندىرەدى.
ناۆالنىيدىڭ ادۆوكاتى ۆاديم كوبزەۆ تە الەكسەيدىڭ اسقىنعان اۋرۋى تۋرالى حابارلادى. ونى قازىر بەزگەك دەندەپ، قاتتى جوتەلە بۋا باستاعان. ونىڭ ۇستىنە، ساياساتكەردى ءبىر يزولياتوردا "تۇرمىستىق گيگيەنانى ساقتامايتىن، تازالىققا كەلگەندە ۇلكەن پروبلەمالارى بار" تۇتقىنمەن بىرگە ۇستاعان. سونىمەن قاتار، ونى شيزودان بوساتىپ، اسقىنعان تۇماۋمەن اۋىرىپ جاتقاندارمەن بىرگە ورتاق مەديتسينالىق بولىمگە جاتقىزعان.
"ادىرنا" ۇلتتىق پورتالى
