AZAL اۋە كومپانياسىنىڭ جولاۋشىلار ۇشاعىنىڭ اپاتىنا بايلانىستى تەرگەۋ ءۇش مەملەكەت اۋماعىندا قاتار جۇرگىزىلۋدە، دەپ حابارلايدى "ادىرنا" ۇلتتىق پورتالى.
بۇل تۋرالى ازەربايجان باس پروكۋراتۋراسى تەرگەۋ دەپارتامەنتىنىڭ باسشىسى نەمات اۆازوۆ مالىمدەدى.
اۆازوۆتىڭ ايتۋىنشا، قازىرگى ۋاقىتتا وقيعاعا قاتىستى شامامەن 100 ءتۇرلى ساراپتاما تاعايىندالعان. تەرگەۋ اياسىندا ازىرگە بارلىق قاجەتتى شارالار اتقارىلىپ جاتىر.
«جاقىندا ازەربايجاندىق ماماندار قازاقستانعا بارىپ، وسى ىسكە بايلانىستى كەڭ اۋقىمدى پىكىرتالاستار وتكىزدى. ءبىز ساراپتاما ناتيجەلەرىن الۋ ءۇشىن جۇمىسىمىزدى جالعاستىرىپ جاتىرمىز»، – دەدى نەمات اۆازوۆ.
ونىڭ مالىمدەۋىنشە، اپاتقا بايلانىستى كەيبىر ساراپتاما قورىتىندىلارى جاقىن ارادا جاريالانۋى مۇمكىن.
ۇقساس جاڭالىقتار
