ساكەن ماماشتىڭ قوعامدىق قورعاۋشىسى ن. تاشكەنبايقىزى رەزونانس تۋدىرعان قىلمىستىق ءىس بويىنشا ماڭىزدى دەرەكتەردى جاريالادى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، جابىرلەنۋشى رەتىندە تانىلعان كارينانىڭ “ماتەريالدىق تاۋەلدىلىگى” جوق، كەرىسىنشە، ول قارجىلىق جاعىنان دەربەس ءومىر سۇرگەن.
قورعاۋشىنىڭ مالىمدەۋىنشە، كارينانىڭ شەتەل بانكتەرىندە بىرنەشە كرەديتتىك كارتالارى بولعان، ولاردىڭ شوتىنا اي سايىن 8 ميلليون تەڭگەگە دەيىن قاراجات ءتۇسىپ وتىرعان. سونىمەن قاتار، Kaspi جانە سبەربانك كارتالارىن دا بەلسەندى تۇردە پايدالانىپ، اناسىن قولداۋعا اقشا اۋدارعان.
ن.تاشكەنبايقىزىنىڭ مالىمدەمەسىنە سايكەس، كارينا ماماش اي سايىن 1400 اقش دوللارى كولەمىندە جاردەماقى الىپ وتىرعان.
"كارينا 10 000 دوللارلىق Louis Vuitton سومكەسىن سۇراعانىمەن، تۋعان كۇنىنە ۇسىنىلعان 3000 دوللارلىق بريلليانت سىيلىقتى ازسىنىپ، قارجىلىق نارازىلىعىن بىلدىرگەن. بۇل ونىڭ تاۋەلدى ەمەس، كەرىسىنشە، تالاپشىل ەكەنىن كورسەتەدى", – دەيدى تاشكەنبايقىزى.
قوعامدىق قورعاۋشى كارينانىڭ ماتەريالدىق جاعدايى تۋرالى دەرەكتەردى ەلەمەي، ونى قىلمىستىق كودەكستىڭ 110-بابىنىڭ 2-بولىگى بويىنشا قاتاڭ جازاعا تارتۋ – ادىلەتسىز شەشىم بولۋى مۇمكىن دەپ الاڭدايدى.
