İzrail qorǧanys küşterı Damask qalasynyŋ ortalyǧynda ornalasqan Siriia qorǧanys ministrlıgınıŋ ştab-päterı ornalasqan ǧimaratqa äueden soqqy jasady, dep habarlaidy "Adyrna" ūlttyq portaly.
Būl turaly halyqaralyq agenttıkter men Siriia tarapy mälımdedı.
«İzrail qorǧanys küşterı Damask aimaǧyndaǧy Siriia rejimınıŋ äskeri ştabyna soqqy jasady», — delıngen Siriia ükımetınıŋ resmi mälımdemesınde.
Siriia densaulyq saqtau ministrlıgınıŋ habarlauynşa, şabuyl saldarynan bır adam qaza tauyp, kemınde 18 adam jaralanǧan.
Şabuyldan keiın İzrail üş märte äue soqqysyn jasaǧan. Jarylystar Damask qalasyndaǧy Omeiiad alaŋynda bolǧany anyqtaldy. Būl aumaq el astanasynyŋ maŋyzdy äkımşılık jäne qauıpsızdık mekemelerı ornalasqan bölıgı bolyp sanalady.
Qazırgı uaqytta zardap şekkenderge medisinalyq kömek körsetılıp jatyr. Şabuyl sebepterı men saldaryna qatysty İzrail tarapy resmi tüsınıkteme bergen joq.
