قر سىرتقى ىستەر مينيسترلىگى يزرايلدەگى سوعىس جاعدايىنا قاتىستى تۇسىنىكتەمە بەردى، دەپ حابارلايدى "ادىرنا" ءتىلشىسى.
سىرتقى ىستەر مينيسترلىگىنىڭ ءباسپاسوز حاتشىسى:
"قازاقستاننىڭ تەل-اۆيۆتەگى ەلشىلىگى يزرايلدە ورنالاسقان ءبىزدىڭ ازاماتتارمەن تۇراقتى بايلانىستا. ەلشىلىكتىڭ سەنىم تەلەفونى قۇرىلدى، ولاردىڭ وتانىنا ورالۋىنا ودان ءارى كومەك كورسەتۋ ءۇشىن قازاقستان رەسپۋبليكاسى ازاماتتارىنىڭ ءتىزىمى جاساقتالۋدا", - دەيدى ايبەك سمادياروۆ.
"قاۋىپسىزدىك ماقساتىندا كوپتەگەن حالىقارالىق اۋەكومپانيا تەل-اۆيۆكە/تەل-اۆيۆتەن رەيستەردى توقتاتا تۇرۋىنا قاراماستان، Air Astana اۋە كومپانياسى ۇشۋعا نيەت بىلدىرگەن جولاۋشىلاردى تاسىمالداۋدىڭ بالاما نۇسقالارىن ىزدەستىرۋدى جالعاستىرىپ جاتقانىن حابارلايدى", - دەپ جازىلعان حابارلامادا.
كومپانيا تەل-اۆيۆتەن الماتىعا جوسپارلانعان كس650 رەيسىنە 138 جولاۋشى بيلەت العانىن، ونىڭ ىشىندە 37 قازاقستاندىق بار ەكەنىن اتاپ ءوتتى.
