16 شىلدە كۇنى يزرايل قورعانىس ارمياسى (تساحال) سيريا استاناسى داماسكىنىڭ ورتالىعىندا ورنالاسقان قورعانىس مينيسترلىگىنىڭ شتاب-پاتەرىنە اۋە شابۋىلىن جاسادى، دەپ حابارلايدى "ادىرنا" ۇلتتىق پورتالى.
بۇل تۋرالى يزرايل اسكەري كۇشتەرى Telegram پاراقشاسىندا حابارلادى.
ء“بىراز ۋاقىت بۇرىن يزرايل ارمياسى داماسك اۋدانىندا سيريا رەجيمىنىڭ اسكەري شتاب-پاتەرىنىڭ كىرەبەرىسىنە سوققى جاسادى”، – دەلىنگەن رەسمي مالىمدەمەدە.
سيريا دەنساۋلىق ساقتاۋ مينيسترلىگىنىڭ اقپاراتىنا سايكەس، شابۋىل سالدارىنان 1 ادام قازا تاۋىپ، 18 ادام جاراقات العان.
بۇل وقيعا تاياۋ شىعىستاعى جاعداي ۋشىعىپ تۇرعان تۇستا بولدى. بۇعان دەيىن يزرايل شەكارا ماڭىنا قوسىمشا اسكەر جىبەرەتىنىن مالىمدەگەن ەدى. ال سيريا ۇكىمەتى ەس-سۋۆەيدا پروۆينتسياسىنا قارۋلى قاقتىعىستار بولىپ جاتقان ايماققا اسكەري بولىمشەلەر جونەلتكەن. وندا درۋزدار مەن بەدۋين تايپالارى اراسىندا قاقتىعىستار جالعاسىپ جاتىر.
