فرانتسيا پرەزيدەنتى ەممانۋەل ماكرون يزرايلگە قارۋ-جاراق جەتكىزۋدى توقتاتۋعا شاقىردى، دەپ حابارلايدى “ادىرنا” ءتىلشىسى تاسس-قا سىلتەپ.
ول گازا سەكتورىنداعى قازىرگى اسكەري ارەكەتتەر تەك قاقتىعىستىڭ شيەلەنىسۋىنە ىقپال ەتىپ، ۇزاق مەرزىمدى پەرسپەكتيۆادا ءيزرايلدىڭ قاۋىپسىزدىگىنە نۇقسان كەلتىرەتىنىن ايتتى.
«مەن مۇنى پرەمەر-مينيستر بينيامين نەتانياحۋعا قايتالادىم: گازا سەكتورىندا سوعىسۋ - ءيزرايلدىڭ بولاشاق قاۋىپسىزدىگى ءۇشىن قاتە. وسىنداي ارەكەتتەردىڭ ناتيجەسىندە ايماقتاعى شيەلەنىس پايدا بولادى»، - دەپ اتاپ ءوتتى ماكرون.فرانتسيا پرەزيدەنتى ءپاريجدىڭ ۇستانىمىن يزرايل بيلىگى قابىلداماي وتىرعانىنا الاڭداۋشىلىق ءبىلدىردى. ونىڭ پىكىرىنشە، حالىقارالىق قاۋىمداستىقتىڭ اسكەري قولداۋىن توقتاتۋ ساياسي شەشىم تابۋعا تۇرتكى بولۋى مۇمكىن.
ۇقساس جاڭالىقتار
