يران پرەزيدەنتى ماسۋد پەزەشكيان ءيزرايلدىڭ تەگەرانعا جاساعان سوققىسى كەزىندە جاراقات العانى ەندى ايتىلىپ وتىر. بۇل تۋرالى Fars اگەنتتىگى جازدى، دەپ حابارلايدى «ادىرنا» ءتىلشىسى.
شەتەلدىك باق مالىمەتىنشە، 16 ماۋسىم كۇنى ەلدىڭ ۇلتتىق قاۋىپسىزدىك جوعارى كەڭەسىنىڭ وتىرىسى كەزىندە اۋەدەن سوققى جاسالعان.
«يزرايل اسكەرى التى زىمىرانمەن كەشەننىڭ كىرەبەرىسى مەن شىعابەرىسىن اتقىلادى. ەۆاكۋاتسيا بارىسىندا پرەزيدەنت پەن بىرقاتار رەسمي تۇلعا اياقتارىنان جاراقات الدى. دارىگەرلەر جاراقاتتىڭ اۋىرلىق دارەجەسىن جەڭىل دەپ باعالادى»،– دەلىنگەن حابارلامادا.
ايتا كەتەيىك، بۇعان دەيىن يراننىڭ اقش-پەن يادرولىق كەلىسىم بويىنشا كەلىسسوزدەرگە قايتا ورالۋعا دايىن ەكەندىگى بەلگىلى بولعان ەدى.
ۇقساس جاڭالىقتار
