جاقىن ارادا كيىك سانىن رەتتەۋ ماسەلەسىنە قاتىستى شەشىمدى قابىلدايمىز. بۇل تۋرالى ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ قر پرەزيدەنتى تەلەراديوكەشەنىنىڭ «تري ۆوپروسا» باعدارلاماسىنا بەرگەن سۇقباتىندا ايتتى.
«مەملەكەت باسشىسىنىڭ سىنىنان كەيىن ءبىز عالىمدارمەن، تابيعاتتى قورعاۋشىلارمەن بەلسەندىلەرمەن تاعى ءبىر رەت كەزدەسىپ، كيىك سانىن رەتتەۋ ماسەلەسىن تاعى دا تالقىلادىق. عالىمدار كيىكتەردىڭ تىرشىلىك ەتۋ ارەالىن، ولاردىڭ كوشى-قون جولدارىن تەرەڭ زەرتتەۋ ءارى قازاقستان اۋماعىنداعى كيىكتەردىڭ وڭتايلى سانىن انىقتاۋ كەرەگىن ايتتى. ارينە، ولاردىڭ پوپۋلياتسياسى ۇنەمى وسە بەرمەيتىنى بەلگىلى»، - دەدى مينيستر.
ونىڭ ايتۋىنشا، 1980 جىلدارى كيىكتەرتەر سانى 1 ملن 200 مىڭ بولعان، ال بۇگىندە قازاقستاندا 1 ملن 318 مىڭ كيىك بار.
«ءبىز بۇل پوپۋلياتسيانى ساقتاۋ جانە قالپىنا كەلتىرۋ ءۇشىن ءتيىستى جۇمىستى جۇرگىزدىك. عالىمداردىڭ ايتۋىنشا، بۇل وتە جاقسى جانە ماڭىزدى ناتيجە بولىپ سانالادى. بىراق كيىكتەر سانىن رەتتەۋ جانە راتسيونالدى پايدالانۋ ماسەلەلەرى بويىنشا جۇمىستار 1980 جىلدارى جۇرگىزىلدى، ياعني مۇندا ەڭ الدىمەن ءىس-شارالار كيىكتەردىڭ پوپۋلياتسياسىن ساقتاۋعا جانە قولداۋعا باعىتتالدى. ولاردىڭ سانى
نەعۇرلىم كوپ بولسا، پوپۋلياتسيادا تاماق، سۋ، جەر ءۇشىن باسەكەلەستىك كۇشەيەتىنى بەلگىلى. وسىلايشا، بۇل جانۋاردىڭ ءوزىن دە السىرەتەدى. ەگەر جانۋار السىرەسە، وندا ول اۋرۋعا بەيىم بولادى. ءبىز بۇعان
رەتروسپەكتيۆتى تۇردە قارادىق. اۋرۋ 3-5 جىل جيىلىكپەن وتەدى»، - دەدى سەرىكقالي برەكەشەۆ.
مينيستر 2015 جىلى قازاقستان بويىنشا 150 مىڭ كيىك قىرىلعانىن، بۇل پوپۋلياتسيانىڭ 30%-ى ەكەنىن اتاپ ءوتتى.
ول كۇزگە قاراي جانۋارلاردىڭ سانى 1,5 ملن بولاتىنىن جەتكىزدى.
«بۇل ماسەلەنى مۇقيات زەردەلەۋ قاجەت. جاقىن ارادا ءتيىستى شەشىم قابىلدايمىز»، - دەدى ۆەدومستۆو باسشىسى.
