Sheshimdi qabyldaımyz – Serikqalı Brekeshev kıik sanyn retteý týraly

4300
Adyrna.kz Telegram

Jaqyn arada kıik sanyn retteý máselesine qatysty sheshimdi qabyldaımyz. Bul týraly Ekologııa, geologııa jáne tabıǵı resýrstar mınıstri Serikqalı Brekeshev QR Prezıdenti teleradıokesheniniń «Trı voprosa» baǵdarlamasyna bergen suqbatynda aıtty.

«Memleket basshysynyń synynan keıin biz ǵalymdarmen, tabıǵatty qorǵaýshylarmen belsendilermen taǵy bir ret kezdesip, kıik sanyn retteý máselesin taǵy da talqyladyq. Ǵalymdar kıikterdiń tirshilik etý arealyn, olardyń kóshi-qon joldaryn tereń zertteý ári Qazaqstan aýmaǵyndaǵy kıikterdiń ońtaıly sanyn anyqtaý keregin aıtty. Árıne, olardyń popýlıaııasy únemi óse bermeıtini belgili», - dedi mınıstr.

Onyń aıtýynsha, 1980 jyldary kıikterter sany 1 mln 200 myń bolǵan, al búginde Qazaqstanda 1 mln 318 myń kıik bar.

«Biz bul popýlıaııany saqtaý jáne qalpyna keltirý úshin tıisti jumysty júrgizdik. Ǵalymdardyń aıtýynsha, bul óte jaqsy jáne mańyzdy nátıje bolyp sanalady. Biraq kıikter sanyn retteý jáne raıonaldy paıdalaný máseleleri boıynsha jumystar 1980 jyldary júrgizildi, ıaǵnı munda eń aldymen is-sharalar kıikterdiń popýlıaııasyn saqtaýǵa jáne qoldaýǵa baǵyttaldy. Olardyń sany
neǵurlym kóp bolsa, popýlıaııada tamaq, sý, jer úshin básekelestik kúsheıetini belgili. Osylaısha, bul janýardyń ózin de álsiretedi. Eger janýar álsirese, onda ol aýrýǵa beıim bolady. Biz buǵan
retrospektıvti túrde qaradyq. Aýrý 3-5 jyl jıilikpen ótedi», - dedi Serikqalı Brekeshev.

Mınıstr 2015 jyly Qazaqstan boıynsha 150 myń kıik qyrylǵanyn, bul popýlıaııanyń 30%-y ekenin atap ótti.
Ol kúzge qaraı janýarlardyń sany 1,5 mln bolatynyn jetkizdi.

«Bul máseleni muqııat zerdeleý qajet. Jaqyn arada tıisti sheshim qabyldaımyz», - dedi vedomstvo basshysy.

Pikirler