تۇركيا پرەزيدەنتى جاڭا كونستيتۋتسيا قابىلداۋدى ۇسىندى، دەپ حابارلايدى “ادىرنا” ۇلتتىق پورتالى جەرگىلىكتى باق-قا سىلتەپ.
رەجەپ تايىپ ەردوعان مەملەكەتتىك كەڭەستىڭ قۇرىلعانىنا 158 جىل جانە اكىمشىلىك سوت كۇنىنە ارنالعان سالتاناتتى راسىمدە جاڭا كونستيتۋتسيا قابىلداۋ قاجەتتىگىن ايتتى.
تۇركيا پرەزيدەنتىنىڭ سوزىنشە، وسمان كەزەڭىنەن كەيىن قابىلدانعان ءتورت كونستيتۋتسياعا قاراماستان، تۇرىك حالقىنىڭ «جاقسى كونستيتۋتسياعا دەگەن ۇمتىلىسى ءالى دە توقتاعان جوق». ول سوڭعى ەكى كونستيتۋتسيانىڭ توڭكەرىستەر مەن زاڭسىز ارالاسۋلار ناتيجەسىندە پايدا بولعانىن اتاپ ءوتىپ، مۇنى «دەموكراتيالىق كەمشىلىك» دەپ باعالادى.
سونداي-اق، ەردوعان ءوز ۇكىمەتىنىڭ «ارتىقشىلىقتار مەن كەمسىتۋشىلىكتىڭ بارلىق ءتۇرىن جويدى» جانە «حالىق پەن رەسپۋبليكا اراسىنداعى كەدەرگىلەردى الىپ تاستادى» دەپ مالىمدەدى.
72 جاستاعى رەجەپ تايپ ەردوعان 2003 جىلدان بەرى الدىمەن - پرەمەر، كەيىننەن پرەزيدەنت رەتىندە تۇركيانى ۇزدىكسىز باسقارىپ كەلەدى. ول 13-14 مامىر كۇندەرى پرەزيدەنت قاسىم-جومارت توقاەۆتىڭ شاقىرۋىمەن قازاقستانعا مەملەكەتتىك ساپارمەن كەلەدى. سونداي-اق، ەردوعان 15 مامىر كۇنى تۇركى مەملەكەتتەرى ۇيىمىنا مۇشە ەلدەر باسشىلارىنىڭ تۇركىستانداعى بەيرەسمي سامميتىنە دە قاتىسادى.
