اقتوبە وبلىستىق ىشكى ساياسات باسقارماسىنىڭ باسشىسى الىبەك باينەشوۆ اكىمدىكتە بولعان ءىرى ورتكە بايلانىستى مالىمدەمە جاسادى, دەپ حابارلايدى «ادىرنا» ءتىلشىسى.
ول جاعدايدىڭ وبلىس اكىمى اسحات شاحاروۆتىڭ جەكە باقىلاۋىنا الىنعانىن، جەكە شتاب جۇمىسى جالعاسىپ جاتقانىن جەتكىزدى.
«2022 جىلى ءوڭىر اكىمدىگىنىڭ عيماراتىنا ىشكى جوندەۋ جۇمىستارى جۇرگىزىلدى. ال 2024 جىلى شاتىردى جوندەدىك. قازىرگى تاڭدا كوميسسيا قۇرىلدى. ناقتى جوسپارلار جاساقتالۋدا. بۇگىنگى جۇمىس كۇنى تاڭەرتەڭنەن باستاپ ونلاينعا كوشىرىلدى. قىزمەت قاشىقتان كورسەتىلىپ جاتىر. اپپارات تاراپىنان 13:30-دان باستاپ تۇستەن كەيىنگى جۇمىستى قايتا ءوز ورىندارىندا جالعاستىرۋعا رۇقسات بەرىلدى»،-دەدى باسشى.
ەسكە سالايىق، 7 ءساۋىر كەشكە اقتوبە وبلىسى اكىمدىگىنىڭ 6 قاباتتى عيماراتىن ءورت شارپىعان ەدى. ءبىر ساعات ىشىندە ءورت وقشاۋلانىپ، كەيىن تولىعىمەن جويىلدى. قازا بولعاندار مەن زارداپ شەككەندەر جوق.
