تۋريزم جانە سپورت ءمينيسترى ەربول مىرزابوسىنوۆ اباي جانە جەتىسۋ وبلىستارىنداعى الاكول كولىنىڭ كۋرورتتىق ايماعىنا بارىپ، تەكسەرىس جۇرگىزاپ، اكىمدىك پەن بيزنەس وكىلدەرىمەن كەزدەسۋلەر وتكىزدى، دەپ حابارلايدى “ادىرنا” ۇلتتىق پورتالى.
مينيسترلىكتىڭ مالىمەتىنشە، كەيبىر جاعاجايلاردا سانيتارلىق توراپتار، دۋش كابينالارى، قوقىس جاشىكتەرى مەن قورشاۋلار جوق. سونىمەن قاتار، سۋ كولىكتەرىن باقىلاۋ جەتكىلىكسىز، قۇتقارۋ مۇنارالارى مەن اقپاراتتىق قۇرالدار تاپشى. قاۋىپسىزدىك تالاپتارىنىڭ نەگىزگى ستاندارتتارى دا ساقتالماي وتىرعانى انىقتالعان.
ەسكە سالايىق، ازاماتتاردىڭ كوپتەپ شاعىمدانۋىنا بايلانىستى مەملەكەت باسشىسى الاكول ماڭىنداعى تانىمال تۋريستىك ايماقتىڭ دەمالۋشىلاردى قابىلداۋعا دايىندىق دەڭگەيىنىڭ تومەندىگىنە ۇكىمەتتىڭ نازارىن اۋدارعان بولاتىن.
پرەزيدەنتتىڭ الاكول جاعالاۋىنداعى تۋريستىك ينفراقۇرىلىمنىڭ جاعدايىنا قاتىستى سىنىنان كەيىن اباي وبلىسىنىڭ اكىمى تاپسىرما بەرىپ، ونىڭ ورىنباسارى اۋدان باسشىلىعى مەن جاۋاپتى مەملەكەتتىك ورگاندار وكىلدەرىنىڭ قاتىسۋىمەن كول جاعاسىندا جەدەل جينالىس وتكىزدى.
سونداي-اق، ۇلتتىق كاسىپكەرلەر پالاتاسىندا تانىمال كۋرورتتىڭ نەگىزگى پروبلەمالارى ايتىلدى. ال قازاقستان پرەمەر-ءمينيسترى ولجاس بەكتەنوۆ پرەزيدەنتتىڭ تۋريزم سالاسىنداعى تاپسىرمالارىن ورىنداۋعا بايلانىستى كەڭەس وتكىزدى.
بۇعان دەيىن پرەمەر-ءمينيستردىڭ ورىنباسارى ەرمەك كوشەرباەۆ قاپشاعاي سۋ قويماسىنداعى جاعالاۋدى ارالاعان سوڭ جەتىسۋ وبلىسىنداعى الاكول دەمالىس ايماقتارىن تەكسەرگەن بولاتىن.
