Memleket basşysy Qasym-Jomart Toqaev Ūlttyq qordy basqaru jönındegı keŋeske töraǧalyq etetın boldy, dep habarlaidy «Adyrna» tılşısı.
4 şıldede prezdident Ūlttyq qordy basqaru jönındegı keŋes qūru turaly jarlyqqa qol qoiǧan bolatyn. Qasym-Jomart Toqaevtyŋ tiıstı jarlyǧy Qazaqstan normativtık qūqyqtyq aktılerınıŋ aqparattyq-qūqyqtyq jüiesı saitynda jariialandy.
«Keŋestıŋ negızgı mındetterı – ūlttyq qordyŋ qarajatyn paidalanu jäne bıryŋǧai jinaqtauşy zeinetaqy qorynyŋ zeinetaqy aktivterın basqaru mäselelerı boiynşa prezidentke kömek körsetu jäne ūsynymdar äzırleu. Keŋes Biudjet kodekstıŋ 63-babyna säikes qor qarajatyn paidalanu mäselelerın qaraidy»,— delıngen qūjatta.
Keŋestıŋ jūmys organy retınde prezident äkımşılıgı belgılendı.
Aita keteiık, memleket basşysy Ūlttyq qordyŋ aşyqtyǧy men ūtymdy jūmsaluyna erekşe män berıp, būl baǧyttaǧy baqylau men basqaru jüiesın jetıldırudı közdep otyr.
