سەنات توراعاسى ماۋلەن اشىمباەۆ جامبىل وبلىسىنىڭ تالانتتى جانە بەلسەندى جاستارىمەن كەزدەسۋدە ەلدى جاڭعىرتۋ جانە ادىلەتتى قازاقستان قالىپتاستىرۋ جولىندا جاس بۋىن ماڭىزدى ءرول اتقاراتىنىن اتاپ ءوتتى.
سونداي-اق پالاتا سپيكەرى مەملەكەت باسشىسىنىڭ باستاماسىمەن ەلىمىزدە ىسكە اسىرىلىپ جاتقان جاستاردى قولداۋعا ارنالعان شارالاردىڭ ارقاسىندا وسكەلەڭ ۇرپاق ۇلكەن مۇمكىندىكتەرگە يە بولىپ وتىرعانىنا نازار اۋداردى.
ء«بىز قازىر ءبىلىم جانە عىلىم زامانىندا، يننوۆاتسيالىق تەحنولوگيالار مەن تىڭ جاڭالىقتار داۋىرىندە ءومىر ءسۇرىپ جاتىرمىز. وسى كەزەڭدە ەلىمىزدە ءوزىن-ءوزى دامىتۋعا، جاڭا داعدىلاردى مەڭگەرۋگە، قابىلەتتى شىڭداۋعا، ءبىلىم كوكجيەگىن كەڭەيتۋگە، ونىڭ ىشىندە ونلاين-وقۋعا بارلىق جاعداي جاسالعان. مۇنداي مۇمكىندىكتى قۇر جىبەرمەۋ كەرەك. سونداي-اق جەكە تۇلعا رەتىندە قالىپتاسۋدىڭ تاعى ءبىر ماڭىزدى تەتىگى – دۇرىس قۇندىلىقتاردى بويعا ءسىڭىرۋ. پرەزيدەنتىمىز قاسىم-جومارت كەمەلۇلى توقاەۆ ۇسىنعان «ادال ازامات» تۇجىرىمداماسى وسىنداي قاعيداتتارعا تابان تىرەيدى. سوندىقتان، ەڭ الدىمەن، ماتەريالدىق ەمەس، ينتەللەكتۋالدىق كاپيتال جيناۋعا كۇش جۇمساپ، ۇزدىكسىز ءبىلىم الۋدى ادەتكە اينالدىرۋ قاجەت»، – دەدى ماۋلەن اشىمباەۆ.
سەنات توراعاسى پالاتانىڭ جاستاردى قولداۋ باعىتىنداعى جۇمىستارى جونىندە دە ايتىپ ءوتتى. بۇل رەتتە سەنات جانىنداعى ساراپشىلار كلۋبى مەن «تالداۋ مەكتەبى» سياقتى قوعامدىق جوبالار جايىندا ءسوز بولدى.
