قازاقستان مەن ازەربايجاندى بايلانىستىراتىن وپتيكالىق-تالشىقتى كابەلدى كاسپي تەڭىزىنىڭ ءتۇبى ارقىلى جۇرگىزۋ جۇمىستارى كەلەسى جىلدىڭ جازىندا باستالادى، دەپ حابارلايدى "ادىرنا" ۇلتتىق پورتالى Report-قا سىلتەپ.
بۇل تۋرالى ازەربايجاننىڭ تسيفرلىق دامۋ جانە كولىك ءمينيسترىنىڭ ورىنباسارى سامەددين اسادوۆ مالىمدەدى.
«قازىرگى ۋاقىتتا كابەل توسەلەتىن كاسپي تەڭىزى ءتۇبىنىڭ باعىتى بويىنشا تالداۋ جۇمىستارى اياقتالدى. جاقىن كۇندەرى وسى جۇمىستى اتقارىپ جاتقان كومپانيا وپەراتورلار مەن جوبا قاتىسۋشىلارىنا تولىق ەسەپ ۇسىنادى. سونداي-اق كاسپي ءتۇبى ارقىلى تارتىلاتىن وپتيكالىق-تالشىقتى كابەلدى ءوندىرۋ باستالدى. ونىڭ ءوندىرىسى 2026 جىلدىڭ جازىندا اياقتالادى»، — دەدى اسادوۆ.
ۆيتسە-ءمينيستردىڭ ايتۋىنشا، بۇل ينفراقۇرىلىمدىق جوبا ايماقتىق تسيفرلىق ءدالىزدىڭ ماڭىزدى بولىگى سانالادى.
«مينيسترلىك جوبا وپەراتورلارىنا قولداۋ كورسەتۋدى جالعاستىرىپ جاتىر. بۇل بايلانىس جەلىسىنىڭ ىسكە قوسىلۋى جاقىن بولاشاقتا ءبىزدىڭ ەلدىڭ ايماقتاعى ءىت جانە جاساندى ينتەللەكت سالاسىنداعى حابقا اينالۋىنا ەلەۋلى ۇلەس قوسادى»، — دەدى ول.
