نۇرلان ساۋرانباەۆ كولىك ءمينيسترى قىزمەتىنە تاعايىندالدى. بۇل تۋرالى بۇگىن، 30 ماۋسىمدا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
"مەملەكەت باسشىسىنىڭ جارلىعىمەن نۇرلان ەرمەكۇلى ساۋرانباەۆ قازاقستان رەسپۋبليكاسىنىڭ كولىك ءمينيسترى لاۋازىمىنا تاعايىندالدى",- دەلىنگەن حابارلامادا.
بۇعان دەيىن ول «قازاقستان تەمىر جولى» ۇك» اق باسقارما توراعاسى قىزمەتىن اتقارعان ەدى.
نۇرلان ساۋرانباەۆ 1967 جىلى جامبىل قالاسىندا تۋعان. س. م. كيروۆ اتىنداعى قازاق مەملەكەتتىك ۋنيۆەرسيتەتىن (قازىرگى قازۇۋ — رەد.), مۇناي ونەركاسىبىن وقىتۋ ورتالىعىن (يتاليا) بىتىرگەن. ماماندىعى بويىنشا ەكونوميست، مۇناي اكىمشىلەندىرۋ ماگيسترى.
ايتا كەتەيىك، 8 ماۋسىمدا مارات قاراباەۆ كولىك ءمينيسترى لاۋازىمىنان كەتكەن بولاتىن. سول كۇننەن بەرى بۇل قىزمەت بوس تۇردى.
