وسى ايعا جوسپارلانعان رەسەي فەدەراتسياسى پرەمەر-ءمينيسترىنىڭ ورىنباسارى الەكسەي وۆەرچۋكتىڭ ازەربايجانعا ساپارى توقتاتىلدى، دەپ حابارلايدى "ادىرنا" ۇلتتىق پورتالى.
Report اگەنتتىگىنىڭ حابارلاۋىنشا، قالىپتاسقان جاعدايعا بايلانىستى ازەربايجان ۇكىمەتى وۆەرچۋكتىڭ نەمەسە رەسەيدىڭ كەز كەلگەن رەسمي وكىلىنىڭ ەلگە ساپارىن ورىندى دەپ سانامايدى.
ەسكە سالا كەتەيىك، 27 ماۋسىم كۇنى رەسەي قۇقىق قورعاۋ ورگاندارى ەكاتەرينبۋرگتە ازەربايجان تۋمالارى تۇراتىن بىرنەشە پاتەرگە رەيد ۇيىمداستىرعان ەدى. ناتيجەسىندە ەكى ازامات قازا تاۋىپ، بىرنەشە ادام اۋىر جارالانىپ، توعىز ادام تۇتقىندالعان. ازەربايجان تاراپى بۇل ارەكەتتەردى «قاتىگەزدىكپەن جاسالعان كۇش قولدانۋ» دەپ باعالاپ، رەسەيلىك تاراپقا قاتاڭ نارازىلىق ءبىلدىردى.
ۇقساس جاڭالىقتار
