2024 جىلدىڭ جەلتوقسانىندا اپاتقا ۇشىراعان AZAL ۇشاعىنىڭ ەكيپاج مۇشەلەرىنە ارنالعان ەسكەرتكىش 26 ماۋسىم كۇنى اقتاۋ اۋەجايى ماڭىندا ورناتىلدى، دەپ حابارلايدى “ادىرنا”.
ماڭعىستاۋ وبلىسىنىڭ قوعامدىق كوممۋنيكاتسيالار ورتالىعىنىڭ مالىمەتىنشە، بۇل مونۋمەنت ازەربايجاننىڭ ۇلتتىق باتىرلارى – ۇشقىش الەكساندر كاليانينوۆ پەن باس بورتسەرىك حوكۋما اليەۆاعا ارنالعان.
اقتاۋ ماڭىندا وتكەن مەموريالدىڭ سالتاناتتى اشىلۋ راسىمىنە قازا تاپقانداردىڭ تۋىستارى، اۆياتسيا سالاسىنىڭ وكىلدەرى جانە جەرگىلىكتى قاۋىمداستىق مۇشەلەرى قاتىستى. قاتىسۋشىلار قازا تاپقانداردى ءبىر مينۋت ۇنسىزدىكپەن ەسكە الىپ، ەسكەرتكىشكە گۇل شوقتارىن قويدى.
ۇقساس جاڭالىقتار
