ۋكراينا پرەزيدەنتى ۆلاديمير زەلەنسكي رەسەي پرەزيدەنتى ۆلاديمير ءپۋتيننىڭ 9 مامىردا ۇسىنىلعان ءۇش كۇندىك ءبىتىم تۋرالى باستاماسىن قابىلداماي، ونىڭ ورنىنا 30 كۇندىك وق اتۋدى تولىق توقتاتۋدى تالاپ ەتتى، دەپ حابارلايدى "ادىرنا" ۇلتتىق پورتالى ۆۆس-گە سىلتەپ.
ء"سوزسىز وق اتۋدى توقتاتۋ – بۇل امەريكالىقتاردىڭ ۇسىنىسى. ءبىز ونى قابىلدايمىز. وسى كۇننەن باستاپ نەمەسە باسقا كۇننەن باستاپ – مۇمكىندىگىنشە ەرتەرەك. ءيا، 30 كۇنگە بايقاپ كورەيىك. نەلىكتەن 30 كۇنگە؟ سەبەبى ءۇش، بەس، جەتى كۇن ىشىندە ەشتەڭەگە كەلىسۋ مۇمكىن ەمەس", – دەدى زەلەنسكي مالىمدەمەسىندە.
سونداي-اق، ۋكراينا باسشىسى 9 مامىردا ماسكەۋگە باراتىن باسشىلاردىڭ قاۋىپسىزدىگىنە كيەۆ كەپىلدىك بەرمەيتىنىن ايتتى.
بۇعان دەيىن زەلەنسكي ءپۋتيننىڭ بىتىمگەرشىلىك ۇسىنىسىن "ايلا-شارعى جاساۋ ارەكەتى" دەپ باعالاپ، ۋكراينا ناۋرىز ايىندا-اق اقش ۇسىنعان باستاماعا كەلىسكەنىن ەسكە سالعان بولاتىن. ونىڭ ايتۋىنشا، سوعىس ارەكەتتەرىن توقتاتۋ ءۇشىن 9 مامىردى كۇتۋدىڭ قاجەتى جوق.
