Halyk Bank EMEA Finance Achievement Award 2024 سىيلىعىنىڭ يەگەرى اتاندى

Halyk Bank 300 ميلليون اقش دوللارى سوماسىنا سينديكاتتالعان قارىز تارتۋ بويىنشا مامىلەنى ءساتتى جاساعانى ءۇشىن سەە وڭىرىندە «EMEA Finance Achievement Award 2024» سىيلىعىنىڭ يەگەرى اتاندى.
 
Halyk Bank ورتالىق جانە شىعىس ەۋروپا ءوڭىرى بويىنشا (CEE) «سينديكاتتالعان قارىزدار» ساناتىنداعى EMEA Finance Achievement Awards 17-ءشى جىل سايىنعى سىيلىعىنىڭ جەڭىمپازى بولدى. سىيلىقتى 2024 جىلعى 16 قىركۇيەكتە راسىمدەلگەن 300 ميلليون اقش دوللارى سوماسىنا سينديكاتتالعان مەرزىمدى قارىزدى ءساتتى تارتقانى ءۇشىن بەدەلدى حالىقارالىق EMEA Finance باسىلىمى بەردى.
 
EMEA Finance Achievement Awards سىيلىعى جىل سايىن CEE ءوڭىرىنىڭ كاپيتال نارىقتارىنداعى ەرەكشە جەتىستىكتەرى، يننوۆاتسيالارى جانە ادال جۇمىسى ءۇشىن بەرىلەدى. جەڭىمپازداردى EMEA Finance جۋرنالىنىڭ رەداكتسيالىق القاسى ساراپتامالىق باعالاۋلار مەن جەتەكشى قارجى ينستيتۋتتارىنىڭ وتىنىمدەرى نەگىزىندە ايقىندايدى. بەلگىلەنگەن مامىلەلەر ورىنداۋدىڭ جوعارى دەڭگەيىن، نارىققا قاتىسۋشىلاردىڭ سەنىمىن جانە قارجىلىق قۇرىلىمداۋعا يننوۆاتسيالىق كوزقاراستى كورسەتەدى.
 
بۇل مامىلە بانكتىڭ 2008 جىلدان بەرى سينديكاتتالعان قارىزدار بويىنشا حالىقارالىق نارىققا العاشقى ورالۋىن بەلگىلەدى. باستاپقىدا قارىز كولەمى 200 ميلليون اقش دوللارىن قۇرادى، بىراق جوعارى سۇرانىسقا بايلانىستى ونىڭ كولەمى ۇلعايتىلىپ، سولتۇستىك امەريكا، ەۋروپا، تاياۋ شىعىس جانە ازيانىڭ 12 بانكى قولداۋ كورسەتتى.
 
EMEA Finance تانۋى Halyk Bank-ءتىڭ قازاقستاننىڭ قارجى سەكتورىنداعى ورنىقتى كوشباسشى ەكەنىن عانا ەمەس، سونىمەن قاتار قازاقستاننىڭ قارجى ينستيتۋتتارى ءۇشىن حالىقارالىق كاپيتال نارىقتارىنا كەڭىرەك قول جەتكىزۋگە جول اشقان بۇل مامىلەنىڭ ايرىقشا ماڭىزدىلىعىن اتاپ كورسەتەدى. بۇل مامىلە جاھاندىق ينۆەستورلاردىڭ ەل ەكونوميكاسىنا دەگەن قىزىعۋشىلىعىنىڭ ارتىپ كەلە جاتقانىن دالەلدەيدى.
 
«EMEA Finance تاراپىنان مۇنداي ماراپاتتى الۋ ءبىز ءۇشىن ۇلكەن مارتەبە. بۇل مامىلە ءبىزدىڭ حالىقارالىق كاپيتال نارىقتارىنا ورالۋىمىزدىڭ ماڭىزدى كەزەڭىن بىلدىرەدى جانە حالىق بانكتىڭ جەتەكشى الەمدىك ينستيتۋتتارمەن سەرىكتەستىكتە جاقسى قۇرىلىمدالعان، جوعارى ساپالى قارجىلاندىرۋ شەشىمدەرىن ۇسىنۋ قابىلەتىن راستايدى» – دەپ اتاپ ءوتتى حالىق بانكتىڭ باسقارما توراعاسى ءۇمىت شاياحمەتوۆا.
 
بانك تۋرالى:
 
Halyk Bank – 100 جىلدان استام تاريحى بار جۇيە قۇراۋشى امبەباپ كوممەرتسيالىق بانك. بانك بانكتىك، ساقتاندىرۋ، ليزينگتىك، بروكەرلىك، اكتيۆتەردى باسقارۋ جانە ءومىر سالتىنا (لايفستايل) بايلانىستى قىزمەتتەردى قوسا العاندا، قىزمەتتەردىڭ كەڭ سپەكترىن ۇسىناتىن قازاقستانداعى ەڭ سەنىمدى جانە ارتاراپتاندىرىلعان قارجى ينستيتۋتتارىنىڭ ءبىرى بولىپ تابىلادى.
 
Halyk Bank اكتسيالارى قازاقستان قور بيرجاسىندا (KASE) 1998 جىلدان باستاپ، لوندون قور بيرجاسىندا (LSE) 2006 جىلدان باستاپ جانە استانا حالىقارالىق بيرجاسىندا (AIX) 2019 جىلدان باستاپ تىزىمدەلەدى.
 
Halyk Bank 2024 جىلعى 31 جەلتوقسانداعى جاعداي بويىنشا جيىنتىق اكتيۆتەرى شامامەن 18,5 ترلن تەڭگە بولاتىن قازاقستانداعى ەڭ ءىرى بانك بولىپ تابىلادى. بانك قازاقستاننىڭ كوممەرتسيالىق بانكتەرى اراسىندا ەكونوميكانىڭ ناقتى سەكتورىنىڭ 50%-دان استامىن كرەديتتەيدى. بانكتىڭ ەلدەگى ەڭ ءىرى كليەنتتىك بازاسى جانە بۇكىل ەل بويىنشا 542 فيليالى مەن قىزمەت كورسەتۋ بولىمشەلەرىمەن قوسا ەڭ تارماقتالعان فيليالدىق جەلىسى بار. سونىمەن قاتار Halyk Bank گرۋزيا مەن وزبەكستاندا دا وپەراتسيا جۇرگىزەدى.
 
قازىرگى ۋاقىتتا Halyk Bank-ءتىڭ سەنىمدىلىگى مەن تۇراقتىلىعىن جەتەكشى حالىقارالىق رەيتينگتىك اگەنتتىكتەر جوعارى باعالادى:
- Moody's Investors Service: Baa1 (بولجامى «تۇراقتى»);
- Standard and Poor's: BBB - (بولجامى «تۇراقتى»);
- Fitch Ratings: BBB- (بولجامى «تۇراقتى»).
 
Halyk Bank تۋرالى قوسىمشا اقپاراتتى https://halykbank.com/about/ سايتىنان تابۋعا بولادى.