موڭعوليا پرەزيدەنتى ۋحنااگين حۋرەلسۋحتىڭ شاقىرۋىمەن وزبەكستان پرەزيدەنتى شاۆكات ميرزيوەۆ 2025 جىلدىڭ 24–25 ماۋسىمى ارالىعىندا موڭعولياعا مەملەكەتتىك ساپارمەن بارادى, دەپ حابارلايدى “ادىرنا”.
بۇل مەملەكەتتىك ساپار – 1992 جىلى ەكى ەل اراسىندا ديپلوماتيالىق قاتىناستار ورناعاننان بەرگى وزبەكستان پرەزيدەنتىنىڭ موڭعولياعا العاشقى ساپارى جانە 2024 جىلى موڭعوليا پرەزيدەنتى ۋحنااگين حۋرەلسۋحتىڭ وزبەكستانعا جاساعان مەملەكەتتىك ساپارىنا جاۋاپ رەتىندە جۇزەگە اسىرىلادى.
مەملەكەتتىك ساپار اياسىندا موڭعوليا پرەزيدەنتى ۋحنااگين حۋرەلسۋح پەن وزبەكستان پرەزيدەنتى شاۆكات ميرزيوەۆ رەسمي كەلىسسوزدەر جۇرگىزىپ، ەكى ەل اراسىنداعى دوستىق قاتىناستار مەن ىنتىماقتاستىقتى كەڭەيتۋ جانە دامىتۋ، سونداي-اق ايماقتىق جانە حالىقارالىق الاڭدارداعى ءوزارا ءىس-قيمىل ماسەلەلەرى بويىنشا پىكىر الماسادى.
ايتا كەتسەك، موڭعوليا مەن وزبەكستان اراسىندا ديپلوماتيالىق قاتىناستار 1992 جىلعى 25 قاڭتاردا ورناعان.
