لوندوندا مىڭداعان ادام اقش پرەزيدەنتى دونالد ترامپتىڭ ۇلىبريتانياعا مەملەكەتتىك ساپارىنا قارسىلىق ءبىلدىرىپ، شەرۋگە شىقتى، دەپ حابارلايدى "ادىرنا" ۇلتتىق پورتالى Reuters-كە سىلتەپ.
ترامپتى كورولدىك ادەت-عۇرىپقا ساي سالتاناتتى تۇردە قارسى الىپ جاتقاندا، قالا تۇرعىندارى ورتالىقتا «ترامپقا مۇندا ورىن جوق» اتتى اكتسيا ۇيىمداستىرىلدى.
وعان Amnesty International, ايەلدەر قۇقىعىن قورعاۋ ۇيىمدارى مەن پالەستينالىق بەلسەندىلەر قولداۋ كورسەتتى.
پوليتسيانىڭ مالىمەتىنشە، مارشقا شامامەن 5 مىڭ ادام قاتىسقان. قاۋىپسىزدىكتى قامتاماسىز ەتۋ ءۇشىن 1600-دەن استام پوليتسيا قىزمەتكەرى جۇمىلدىرىلعانى حابارلاندى.
سونىمەن قاتار، ۆيندزور قامالىنا ترامپتىڭ اتى-ءجونى جىنىستىق قىلمىستارى ءۇشىن سوتتالعان دجەففري ەپشتەينمەن بىرگە بەينەلەنگەن سۋرەتتەر پروەكتسيالانعاننان كەيىن ءتورت ادام قاماۋعا الىندى.
YouGov جۇرگىزگەن ساۋالناماعا سايكەس، بريتاندىقتاردىڭ 45%-ى ترامپتى شاقىرۋ شەشىمىن دۇرىس ەمەس دەپ ەسەپتەسە، 30%-ى قولداعان.
بۇل نارازىلىق ترامپتىڭ 2018 جانە 2019 جىلدارداعى الدىڭعى ساپارلارى كەزىندە وتكەن شەرۋلەرگە ۇقساس سيپات الدى.
