اقش پرەزيدەنتى دونالد ترامپ يران ۇستىندەگى اۋە كەڭىستىگىن امەريكالىق اسكەريلەر تولىق باقىلاۋعا العانىن مالىمدەدى. بۇل تۋرالى ول Truth Social الەۋمەتتىك جەلىسىندەگى پاراقشاسىندا جازدى، دەپ حابارلايدى "ادىرنا" ۇلتتىق پورتالى.
ء«بىز ەندى يراننىڭ ۇستىندەگى اسپاندى تولىق جانە تۇگەلدەي باقىلاۋدا ۇستاپ وتىرمىز»، – دەپ جازدى ترامپ.
ونىڭ ايتۋىنشا، يراندا قۋاتتى اۋە شابۋىلىنا قارسى قورعانىس جۇيەلەرى بولعانىمەن، ولار اقش تەحنولوگياسىمەن سالىستىرعاندا ءالسىز.
«يراندا جاقسى باقىلاۋ جۇيەلەرى مەن ءتۇرلى قورعانىس قۇرالدارى بار ەدى، ءتىپتى كوپ تە بولاتىن. بىراق ولاردىڭ ەشبىرى امەريكالىق “تەحنولوگيالىق ويىنشىقتارمەن” سالىستىرۋعا كەلمەيدى. بۇل ءىستى بىزدەن ارتىق ەشكىم ىستەي المايدى»، – دەپ تولىقتىردى اقش پرەزيدەنتى.
سونىمەن قاتار، ترامپ يراننىڭ رۋحاني كوسەمى الي حامەنەي جايلى دا جازبا جاريالادى. وندا ول حامەنەي ورنالاسقان ورىندى ناقتى بىلەتىنىن ايتىپ، ونى “جەڭىل نىسانا” دەپ اتادى.
ء«بىز الگى “رۋحاني كوسەم” جاسىرىنعان جەردى ناقتى بىلەمىز. ول – جەڭىل نىسانا. بىراق ءدال قازىر ءبىز ونى ۇستامايمىز (ولتىرمەيمىز!)»، – دەدى ترامپ.
بۇعان دەيىن يزرايل پرەمەر-ءمينيسترى بينيامين نەتانياحۋ ABC News تەلەارناسىنا بەرگەن سۇحباتىندا حامەنەيگە قاستاندىق جاسالۋى مۇمكىن ەكەنىن جوققا شىعارماعان ەدى.
ال ءوزىنىڭ ءۇشىنشى جازباسىندا ترامپ قىسقا ءارى ناقتى تۇردە:
«مۇلتىكسىز تىزە بۇگۋ»، – دەپ جازدى.
