"بىزگە 82 ملرد تۇراتىن تانكتەر ەمەس، سوڭعى ساپاداعى قارۋلار كەرەك!" - جانىبەك قوجىق

2527
Adyrna.kz Telegram

بەلگىلى قوعام بەلسەندىسى جانىبەك قوجىق قورعانىس ءمينيسترى رۋسلان جاقسىلىقوۆقا قازاقستان قارۋلى كۇشتەرىنە 82 ملردقا تانكتەردى ساتىپ العانشا، سوڭعى ساپاداعى قارۋلاردى ساتىپ الۋ قاجەتتىگىن نازارعا الۋىن سۇرادى. بۇل تۋرالى "ادىرنا" ۇلتتىق پورتالى جازادى. 

"قازاقستان رەسپۋبليكاسىنىڭ قورعانىس ءمينيسترى رۋسلان جاقسىلىقوۆتىڭ نازارىنا! قازاقستان قارۋلى كۇشتەرىنە 168 "ارلان" بروندى اۆتوكولىگىن ساتىپ الۋعا 82 ميلليارد تەڭگە ءبولىنىپتى. بۇل ساۋداعا مەن قارسىمىن. نەگە؟ سەبەبى، رەسەي باسقىنشىلارى ۋكرايناعا شابۋىلداعاندا ەڭ ءبىرىنشى تانكتەر مەن وسىنداي تەحنيكالارىنان ايىرىلدى. بۇل بىزگە ساباق بولۋى قاجەت. 40 توننالىق تانكپەن گۇرىلدەپ كەلە جاتقانىڭدا اعاشتىڭ تۇبىندە تىعىلىپ وتىرعان بالا "دجاۆەلين" قارۋىمەن تانكتىڭ تاس-تالقانىن شىعارادى. بىزگە تانكتەر ەمەس، "بايراكتار", "دجاۆەلين" ،" "حايمارس" جانە ۇشاق پەن راكەتانى اتىپ تۇسىرەتىن سوڭعى ساپاداعى قارۋلار كەرەك. بولماسا جەر جىرتىپ ەگىن ەگىپ جۇرگەن شارۋالارعا 82 ميلليارد تەڭگەگە 20 مىڭ تراكتور تەگىن الىپ بەرۋ كەرەك. ەڭ بولماعاندا ازىق-تۇلىكتىڭ باعاسى ارزاندايدى", - دەپ جازدى ول ءوزىنىڭ فەيسبۋك پاراقشاسىندا. 

"ادىرنا" ۇلتتىق پورتالى 

 

پىكىرلەر