Belgili qoǵam belsendisi Jánibek Qojyq Qorǵanys mınıstri Rýslan Jaqsylyqovqa Qazaqstan Qarýly Kúshterine 82 mlrdqa tankterdi satyp alǵansha, sońǵy sapadaǵy qarýlardy satyp alý qajettigin nazarǵa alýyn surady. Bul týraly "Adyrna" ulttyq portaly jazady.
"Qazaqstan Respýblıkasynyń Qorǵanys mınıstri Rýslan Jaqsylyqovtyń nazaryna! Qazaqstan Qarýly Kúshterine 168 "Arlan" brondy avtokóligin satyp alýǵa 82 mıllıard teńge bólinipti. Bul saýdaǵa men qarsymyn. Nege? Sebebi, Reseı basqynshylary Ýkraınaǵa shabýyldaǵanda eń birinshi tankter men osyndaı tehnıkalarynan aıyryldy. Bul bizge sabaq bolýy qajet. 40 tonnalyq tankpen gúrildep kele jatqanyńda aǵashtyń túbinde tyǵylyp otyrǵan bala "Djavelın" qarýymen tanktiń tas-talqanyn shyǵarady. Bizge tankter emes, "Baıraktar", "Djavelın" ," "Haımars" jáne ushaq pen raketany atyp túsiretin sońǵy sapadaǵy qarýlar kerek. Bolmasa jer jyrtyp egin egip júrgen sharýalarǵa 82 mıllıard teńgege 20 myń traktor tegin alyp berý kerek. Eń bolmaǵanda azyq-túliktiń baǵasy arzandaıdy", - dep jazdy ol óziniń feısbýk paraqshasynda.
"Adyrna" ulttyq portaly
