ريم پاپاسى فرانتسيسك دەنساۋلىعىنا بايلانىستى قىزمەتىنەن كەتەتىنىن جوققا شىعارعان جوق. وعان قوسا كاناداداعى اپوستولدىق ساپاردان ورالعان سوڭ قازاقستانعا بارعىسى كەلەتىنىن ايتتى، دەپ جازادى "ادىرنا" ۇلتتىق پورتالى.
"وسىنشا جاسقا كەلىپ مۇنداي شەكتەۋلەرمەن مەن شىركەۋگە قىزمەت ەتە الۋىم ءۇشىن ەنەرگيامدى ۇنەمدەۋىم كەرەك نە بولماسا ورنىمنان كەتۋ تۋرالى ويلانۋىم كەرەك»، - دەدى ول ساپاردان كەيىن.
"مەن ۋكرايناعا بارعىم كەلەتىنىن ايتتىم. جاعدايدىڭ قالاي بولاتىنىن كورەمىز. قازاقستانعا دا بارعىم كەلەدى", - دەدى ول كاناداعا اپولستولدىق ساپاردان قايتىپ كەلە جاتقان ۇشاق بورتىندا جۋرناليستەرگە.
ايتا كەتەيىك، 14-15 قىركۇيەكتە قازاقستاندا الەمدىك جانە ءداستۇرلى دىندەر كوشباسشىلارىنىڭ VII سەزى وتەدى. اتالعان فورۋمدا پاندەميادان كەيىنگى كەزەڭدە ادامزاتتىڭ الەۋمەتتىك-رۋحاني دامۋىنداعى الەمدىك جانە ءداستۇرلى دىندەر ليدەرلەرىنىڭ ءرولى كەڭىنەن تالقىلانباق.
"ادىرنا" ۇلتتىق پورتالى
