الماتى وبلىسى ىلە اۋدانىنداعى «داۋلەت-بەكەت» جشس قۇرعاق تۇيە ءسۇتىن وندىرەتىن زاۋىتىڭ جۇمىسىمەن تانىسۋ ءۇشىن گەرمانيادان دەلەگاتسيا كەلدى. اۋىل شارۋاشىلىعى كاسىپورنىنىڭ يەسى سىدىق داۋلەتوۆ قوناقتارعا ەكسكۋرسيا وتكىزدى.
اۋىل شارۋاشىلىعى كاسىپورنىنىڭ يەسى سىدىق داۋلەتوۆ قوناقتارعا ەكسكۋرسيا وتكىزدى. گەرمانيا فەدەرالدىق مينيسترلىگى جانىنداعى پارلامەنتتىك ستاتس-حاتشىسى، جەكە اسسيستەنت ۆەيككو حاينتس ، حالىقارالىق ىنتىماقتاستىق جانە الەمدىك ازىق-تۇلىك دەپارتامەنتىنىڭ باسشىسى كورنەليا بەرنس، شىعىس ەۋروپا، ورتالىق جانە شىعىس ازيا ەلدەرىمەن حالىقارالىق جۇمىس جونىندەگى ىنتىماقتاستىقتى كەڭەيتۋ بولىمىنەن پەگگي لانتتسچ، يۋليۋس كيۋن ينستيتۋتىنىڭ پروفەسسورى، مادەني وسىمدىكتەردىڭ فەدەرالدى عىلىمي-زەرتتەۋ ينستيتۋتىنان حەنريك فلاحوۆسكي كەلىپ، تۇيە ءسۇتىن وڭدەيتىن ءىرى اۋىلشارۋاشىلىق كاسىپورنىنىڭ جۇمىسىمەن تانىستى.
دەلەگاتسيا الدىمەن فەرماعا بارىپ، تۇيەلەردىڭ قانداي جاعدايدا وسىرىلەتىنىن كوردى. كەيىن، اۆتوماتتاندىرىلعان ساۋ پروتسەسىمەن تانىستى.
قوناقتار كەيىن ءسۇت وڭدەۋ زاۋىتىنا بارىپ، جۇمىس بارىسىمەن تانىستى. ءوندىرىس ەرەكشەلىكتەرىنە توقتالا كەلە، كاسىپورىن ديرەكتورى سىدىق داۋلەتوۆ شارۋاشىلىقتىڭ قالىپتاسۋى مەن دامۋ تاريحىن ايتىپ ءوتتى.
بۇگىندە شارۋاشىلىق كۇنىنە 5-6 تونناعا دەيىن ساپالى شۇبات وندىرەدى. تاۋلىگىنە شامامەن 500-600 كگ قۇرعاق ۇنتاق ءسۇت شىعارامىز. ايىنا شامامەن 10-15 توننا قۇرعاق ۇنتاق قىتايعا ەكسپورتتالادى. جاقىندا ءبىز بىرىككەن اراب امىرلىكتەرىمەن كەلىسىمشارتقا وتىردىق، اي سايىن ءبىر توننا ءسۇت ۇنتاعىن جىبەرەمىز. الداعى ۋاقىتتا تۇيە سانىن 15 مىڭعا دەيىن ارتتىرۋ جوسپاردا بار»، - دەپ اتاپ ءوتتى كاسىپورىن يەسى سىدىق داۋلەتوۆ.
قوناقتار ساپار سوڭىندا شۇباتپەن ەمدەۋ ورتالىعىنا باردى. بۇل جەرگە كۇردەلى وتادان سوڭ، گاستريت، اللاەرگيا، سوزىلمالى گەپاتيت، تۋبەركۋلەز بەن قانت ديابەتىمەن اۋرۋىمەن اۋىرعاندار ەم ىزدەپ كەلەدى. ورتالىقتاعى ماماندار كەلۋشىلەردى شۇباتپەن، ساۋمالمەن ەمدەيدى. 4 جىل ىشىندە 6 مىڭنان استام ازامات تۇيە سۇتىمەن ەمدەلگەن.
«بۇل كاسىپورىنعا كەلىپ، كەرەمەت اسەر الدىق. تۇيە ءوسىرۋدىڭ تەحنيكاسىن كوردىك. بۇل كەرەمەت ءادىس. ويتكەنى بۇل كاسىپورىندا بارلىعى تابيعي جولمەن ىسكە اسىرىلادى ەكەن. سونىمەن قاتار، مالداردى قالاي ەمدەيتىنىن كوردىك. ءوزىم مال دارىگەرىمىن. سوندىقتان، مەن ءۇشىن مالداردىڭ جاقسى ەم الۋى وتە ماڭىزدى. ەگەر، تۇيەلەردىڭ دەنساۋلىعى جاقسى بولسا، كەيىن جاقسى ءونىم شىعارى ءسوزسىز. بۇل ساپار ءبىزدى قاتتى تاڭ قالدىردى. كاسىپورىن جۇمىسىنا ساتتىلىك تىلەيمىز.»،- دەدى گەرمانيا فەدەرالدىق مينيسترلىگى جانىنداعى پارلامەنتتىك ستاتس-حاتشىسى وفەليا نيك.
