AQŞ senaty Aq üidı Reseidı terrorizmdı demeuşı memleket dep tanuǧa şaqyratyn qarar qabyldady. Būl turaly The New York Times basylymyna sılteme jasap "Adyrna" ūlttyq portaly habarlaidy.
Qauly mätını Senattyŋ saitynda jariialanǧan. Onda Vladimir Putinnıŋ nūsqauymen Resei ükımetı saiasi qarsylastar men ūlttyq memleketterge qarsy halyqaralyq laŋkestık äreketterdı qoldap kelgenı jäne qoldap otyrǧany aitylǧan.
Sondai-aq qararda Resei Ekınşı Şeşen soǧysy kezınde beibıt tūrǧyndarǧa qarsy dörekı küş qoldanǧany aitylǧan.
«Resei Federasiiasy ükımetınıŋ Şeşenstan astanasy Groznyi siiaqty azamattyq ortalyqtarǧa qarsy äreketterı sansyz beikünä erler, äielder men balalardyŋ ölımıne nemese zardap şeguıne äkeldı», - delıngen qūjatta.AQŞ senatorlary Reseidıŋ Donbasstaǧy separatisterdı qoldap, Siriia men Ukrainadaǧy beibıt tūrǧyndarǧa şabuyl jasaǧanyna senımdı.
«Resei Federasiiasynyŋ ükımetı Siriia halqyna qarsy qoldanylǧan laŋkestıktıŋ demeuşısı bolyp sanalatyn Siriiaǧa materialdyq qoldau körsetude», - delıngen qararda.«Niu-Iork Taims» gazetı AQŞ-taǧy bır eldı laŋkestıktıŋ demeuşısı dep tanuǧa tek Memlekettık departamenttıŋ ǧana qūqyǧy bar ekenın atap körsetedı. Degenmen, qabyldanǧan qarar «Baiden äkımşılıgıne Kongress tarapynan qysym jasaidy». AQŞ qazırdıŋ özınde laŋkestıkke demeuşı elder tızımıne Siriia, İran, Soltüstık Koreia jäne Kuba kıredı.
Ūqsas jaŋalyqtar
