"ريا نوۆوستي" اگەنتتىگىنىڭ حابارلاۋىنشا، بۇل جوبا تۋرالى «امۋر جولبارىسى» ورتالىعىنىڭ باس ديرەكتورى سەرگەي اراميلەۆ ايتىپ بەردى. قازاقستان مەن رەسەي 2022 جىلى شىعىس ەكونوميكالىق فورۋمىندا جولبارىستاردى قايتا جەرسىندىرۋ تۋرالى كەلىسىمگە قول قويعان.
2025 جىلدىڭ قاراشاسىندا ەكى ەلدىڭ ەكولوگيا مينيسترلەرى الەكساندر كوزلوۆ پەن ەرلان نىسانباەۆ جولبارىستاردى قازاقستانعا جەتكىزۋ جانە بەيىمدەۋ بويىنشا بىرلەسكەن جوسپارعا قول قويدى. قۇجاتقا ۆلاديمير پۋتين مەن قاسىم-جومارت توقاەۆ قاتىسىپ، راسىمدەلگەن.
"جولبارىستاردى تاڭداۋ كەزىندە بىرنەشە ماڭىزدى تالاپ ەسكەرىلەدى: ولار ءارتۇرلى جىنىستى بولۋى ءتيىس، دەنساۋلىعى مىقتى، جاراقاتسىز جانە جابايى تابيعاتتا ءوز بەتىنشە تۇياقتى جانۋارلاردى اۋلاي الۋى كەرەك. سونداي-اق ادامعا دەگەن كوزقاراسى دا قالىپتى بولۋى قاجەت. ىرىكتەۋ اياقتالعان سوڭ، جانۋارلار قازاقستانعا جەتكىزىلىپ، الدىمەن ارنايى وڭالتۋ ورتالىعىنا ورنالاستىرىلادى", - دەيدى سەرگەي اراميلەۆبۇل ورتالىقتا ولاردىڭ جەرگىلىكتى جانۋارلارعا قالاي اڭ اۋلايتىنى جانە ادامعا رەاكتسياسى تەكسەرىلەدى. ەگەر بارلىق كورسەتكىشتەر تالاپقا ساي بولسا، جولبارىستار تابيعي ورتاعا جىبەرىلەدى.
"ايتا كەتۋ كەرەك، بۇل ماقساتتا جولبارىستار ارنايى اۋلانبايدى. نەگىزىنەن، ۇمىتكەرلەر قاتارىندا اناسىز قالعان جەتىم كۇشىكتەر نەمەسە ادامدارمەن قاقتىعىستىڭ الدىن الۋ ءۇشىن ۇستالعان جاس جولبارىستار بولادى. قازىرگى تاڭدا وسىنداي ۇمىتكەرلەر ىرىكتەلىپ جاتىر جانە تورتەۋىن بىردەن جىبەرۋ جوسپارلانعان", - دەيدى سەرگەي اراميلەۆسونىمەن قاتار، قازاقستاندىق ماماندار قيىر شىعىسقا بارىپ، رەسەيلىك ارىپتەستەردىڭ تاجىريبەسىن ۇيرەنگەن. جولبارىستار قازاقستانعا جەتكىزىلگەننەن كەيىن دە رەسەيلىك ماماندار وقىتۋ سەمينارلارىن وتكىزىپ، جانۋارلاردى تابيعاتقا جىبەرۋ جانە ولاردى باقىلاۋ جۇمىستارىنا قاتىسادى.
جوبا ەكى ەلدىڭ بىرلەسكەن ەڭبەگى رەتىندە جۇزەگە اسادى، سوندىقتان ماماندار جولبارىستاردىڭ قاۋىپسىزدىگى تولىق قامتاماسىز ەتىلەتىنىنە سەنىمدى.
